Dos catro conxuntos galegos que militan na Primeira División do fútbol sala feminino da RFEF so o Poio Pescamar acadou un triunfo. Foi ante o Arriva AD Alcorcon cun marcador de 5-1 que coloca terceiras ás galegas na clasificación. O mesmo resultado pero como derrota foi o colleitado polo ENCE Marín Futsal ante un Futsi Atlético Navalcarnero cada vez máis lider. As madrileñas mantéñense invictas con 43 puntos seguidas do Pescados Rubén Burela con 37 puntos e o Poio Pescamar con 27.
Se queres ver o a vitoria do Poio Pescamar ante o Arriva AD Alcorcon por 5-1 podes facelo na canle de Live Vuvuzela. Deixámoste aquí a ligazón.
Podes revivir o partido do Futsi Atlético Navalcarnero vs ENCE Marín Futsal en Live Vuvuzela.
O empate foi o resultado de Ourense Envialia e das Guerreiras Laranxas da Mariña que levan dúas semanas rematando os seus choques en táboas.
No caso do bloque que adestra Gonzalo Iglesias Morenín, o resultado foi de 3-3 como local ante o FSF Móstoles. Os goles das galegas anotáronos Laura Uña, Jenny Lores e María Arias. As ourensás que van recuperando xogadoras quedan ás portas dos postos de play-off con 25 puntos, so dous menos que o FSF Móstoles que acumula 27.
Se a semana pasada o 0-0 colleitado ante o Futsi Atlético Navalcarnero por parte do Pescados Rubén Burela FS tiña unha lectura positiva. Foron as galegas as primeiras en arrebatarlle algún punto ás madrileñas que ata ese momento contaban con todos os seus partidos como vitorias.
Sen embarbo, o 2-2 desta semana das da Mariña ante o Melilla Sport Capital Torreblanca FS foi un resultado inesperado. As melillenses estiveron apiques, incluso, de levar os tres puntos e obrigaron ás Guerreiras Laranxas a pisar o acelerador na segunda metade logo de que as locais chegasen ao descanso dous goles arriba (2-0). Os tantos do Pescados Rubén Burela anotounos Cilene, o primeiro de penalti. Na recta final do partido as burelistas tiraron de xogo de cinco para ir a polo partido pero non conseguiron anotar. Salvaron así un punto nesta saída as galegas.
