O futuro do futsal español pronúnciase con acento galego. Oito futbolistas representaron a Galicia nas filas da Selección Española Sub-19 e Sub-21 nas concentracións que se levaron a cabo na localidade malagueña de Fuengirola entre o 16 e o 20 de maio.
Por parte do conxunto Sub-19, dirixido por Íñigo Martínez, participaron Iria Varela, do Poio Pescamar FS, Carmen Carballada, do Ourense Envialia FSF, Fara Antolín e Sol Pedrera, ambas do Cidade de As Burgas.
No equipo da Selección Sub-21, ás ordes de Clàudia Pons, adestraron Patri Arruti, do AD Alcorcón FSF, Cristina Lourés, do Viaxes Amarelle FSF, Irene García, do Poio Pescamar e Clara Fernández, do Cidade de As Burgas.
Os dous combinados xogaron entre si dous amigables, un o martes 18 e outro o mércores 19, ambos con táboas no marcador e repetindo o resultado: 2-2. Os encontros foron unha mostra do prometedor futuro da Selección Española de futsal, con novas xeracións cargadas de talento e con acento galego nas súas filas.
Las , al trabajo en #Málaga
⚽ Las @SeFutbolFem Sala Sub-21 y Sub-19 se midieron en un partidillo de entrenamiento en Alhaurín de la Torre #SomosFutSal pic.twitter.com/BJodUpLUSb
— Selección Española Femenina de Fútbol (@SeFutbolFem) May 18, 2021
O Cidade aposta polas súas xogadoras de proxección
Este club ourensán foi o que maior participación galega aportou aos combinados estatais. O adestrador, Manolo Codeso, mostrouse en redes moi orgulloso das súas futbolistas.
Sin palabras.
Cumpliendo un sueño ..y el mío
@_faraantolin_ , @soolpedrera ,@claraafernndez pic.twitter.com/OXN0M0uGZD
— Manolo Codeso (@mcodeso) May 17, 2021
No Cidade son conscientes da calidade que gardan nas súas filas, e por iso estas tres mesmas xogadoras son as últimas renovacións do club para afrontar a tempada 2021/2022.
Cris Lourés, do Viaxes Amarelle, volta lesionada da concentración coa Selección
A participación de Cris Lourés, do Viaxes Amarelle, tivo un sabor agridoce para a xogadora. A futbolista de Narón puido participar nas xornadas de preparación da Selección Sub-21.
A concentración tiña programados dous amigables e Lourés puido participar no primeiro deles, asistindo o primeiro gol das sub21. Antes de disputar o segundo, Cris mancouse cunha escordadura no ligamento interno do nocello de grado 2, durante a sesión de traballo do mércores, na última xornada da concentración.
Desta forma, a futbolista do Amarelle regresou á Coruña e está entre algodóns, polo que non disputará o partido desta fin de semana e é dúbida para o seguinte.
