O taekwondo galego contará con representación feminina da man da xuíza internacional María Bautista. Segundo informaba a Federación Galega de Taekwondo, “foi elixida como membro do equipo arbitral que dirixirá a modalidade de taekwondo nos Xogos Paralímpicos de Tokyo 2020″.
Contan desde a Federación Galega de Taekwondo que “foron dous anos intensos de preparación de María Bautista, aos que chegou en pleno proceso de recuperación dunha grave lesión de nocello que sufriu en 2018. Pese a todo, coa ilusión por bandeira, a nosa árbitra acudiu as cursos de preparación, foi superando etapas ata que hai uns días recibiu a confirmación”.
Deste xeito a xuíza galega María Bautista será unha das 30 persoas elixidas para arbitrar a modalidade de taekwondo nos Xogos Paralímpicos de Tokyo 2020. “Sen dúbida un pasiño máis na súa longa carreira”, apunta desde a Federación Galega.
