- Alicia Babarro asistirá no CAR de Madrid á súa primeira concentración de tecnificación co equipo estatal de breaking Sub-16.
- Con 12 anos, esta deportista ourensá é a vixente líder española na categoría junior feminina.
- Está considerada como “unha das Bgirls españolas con maior proxección”.
A Bgirl de Ourense, coñecidad como Mini Ali, vén de ser convocada pola dirección técnica do equipo de España de Breaking da FEBD para concentrarse durante a Semana Santa no Centro de Alto Rendemento de Madrid coa selección Sub-16.
A convocatoria enmárcase dentro do programa de seguimento da Federación de Baile Deportivo para conformar o equipo de deportistas que representará a España nos Xogos Olímpicos da Xuventude de Dakar 2026.
Alicia Babarro dá así un paso máis na súa proxección deportiva, logo de conquistar nas últimas tempadas os mellores resultados como deportista feminina estatal, liderando na súa categoría o ránking español e a Liga Xunta de Galicia de Break Dance, da que saíu invicta.
Alicia Babarro compite co Club DaRúa
A xoven promesa ourensá, coñecida como “la joyita gallega“, compite vencellada ao Club DaRúa, o primeiro club de Breaking de Galicia, e o único galego inscrito na Federación Española de Baile Deportivo.
O Break Dance é unha disciplina deportiva que está incluída nos Xogos Olímpicos de París 2024.
