Rocío Alvite do SAR Vermut Petroni cun total de 176 puntos foi a gañadora absoluta do VII Circuíto de Carreiras Populares da Deputación da Coruña 2019. Na clasificación final estivo seguida de Natalia Rivas, do Club Atletismo O Pino e Tina Fernández tamén do SAR Vermut Petroni. Este club foi tamén o vendedor por clubs. En segundo lugar quedou o Club Atletismo O Pino e terceiras as corredoras de La Mochila del Deporte.
Con este novo triunfo, Rocío Alvite afianzase un ano máis no primeiro lugar deste importante circuíto de atletismo formado por un total de 28 probas e organizado pola Federación Galega de Atletismo.
En categoría de menores o club campión foi o Atletismo Noia seguido do Triki Team e a Asociación Deportiva Olimpia.
O Circuíto continúa medrando
Con este ano serán xa oito as edicións nas que se desenvolva este certame, que polas súas características constitúe o evento máis importante destas características de todas cantas se celebran en Galicia, representando ademáis dunha importante oferta atlética, un excelente elemento vertebrador entre os distintos concellos da provincia.
A Gala deste ano no Pazo de Mariñán o día 6 de marzo
Logo de rematar o prazo de reclamacións, publícase a lista definitiva de galardoados e galardoadas onde, e con vistas a facer desta gala un acto con máis notoriedade, apóstase por unha serie de melloras entre as que se atopa o cambio de escenario que pasa do habitual Salón de Actos da Deputación ó Pazo de Mariñán no vindeiro venres día 6 de marzo en xornada de tarde.
