O último partido do Dépor ABANCA foi motivo dobre de celebración. A venezolana Gaby puido festexar o seu encontro número 100 coa camisola branquiazul e o fixo cunha vitoria.
Hai case catro anos a futbolista chegaba a A Coruña. Un 11 de febreiro do 2017 a atacante debutaba co club herculino nun partido ante o CD Monte, e desde entón viviu de todo co equipo.
Gaby non tardou en facerse un oco no debuxo de Manu Sánchez, comezando como dianteira para xogar máis adiante como centrocampista. Neste tempo, a venezolana disputou co Dépor ABANCA un total de 37 partidos na máxima categoría, 57 en Segunda División Nacional, 4 na promoción de ascenso e 2 en Copa da Raíña.
Quenes tamén están preto de ser centenarias no equipo branquiazul son Cris, Iris e Peke. A primeira leva 97 duelos ás súas costas, a segunda 89 e a terceira un menos, 88. Outra futbolista que quedou preto destas cifras foi Teresa Abelleira, que chegou a disputar 92 partidos co Dépor ABANCA.
