Futsal en estado puro. O Comité Galego de Adestradores e o Departamento de Comunicación da RFGF volven á carga. Tras o éxito da primeira xornada que tivo lugar o pasado venres coa participación de Miroslav Djukic (adestrador do Sporting de Gijón) e Paco Jémez (técnico do Rayo Vallecano), a RFGF repetirá o formato e organiza este martes 31 de marzo outra xornada formativa online centrada no fútbol sala na que participarán Bruno García, seleccionador de Xapón, e Miguel Rodrigo, actual director deportivo de fútbol sala da Federación Andaluza.
O ferrolán Bruno García quere facer historia en Xapón
O mellor adestrador do mundo de 2018 tamén emigrou a Asia. O ferrolán Bruno García conseguiu o seu primeiro nomeamento en 2016 tras situar a Vietnam entre as catro mellores seleccións do continente asiático. Ademais de atopar un oco entre os 16 mellores combinados a nivel mundial certificou a clasificación vietnamita á Copa Mundial da FIFA en Colombia por primeira vez na súa historia.
Licenciado en Educación Física pola Universidade da Coruña o técnico da cidade departamental iniciaba a súa traxectoria nos bancos de Leis Pontevedra en Segunda División e Azkar Lugo da antiga División de Honra durante a década de 2000. A súa emigración cara a China en 2012 e Sudamérica (Perú) outorgoulle o privilexio de ser o primeiro adestrador español en dirixir un conxunto da liga Chinesa, ademais tamén de ser o primeiro seleccionador ibérico en liderar un combinado nacional suramericano.
A nivel de club, obtivo a medalla de bronce na liga de Campións asiática (AFC) coa revelación vietnamita Thai Son Nam en 2015 e proclamouse subcampión da Federación Asiática de Fútbol. Actualmente ocupa o banco da selección xaponesa, co obxectivo de devolver ao conxunto nipón á Copa Mundial neste 2020.
Miguel Rodrigo: en Vietnam, Xapón e Tailandia
O técnico de orixe granadina realizou unha traxectoria breve como xogador de fútbol sala. Competiu cos equipos semiprofesionales de Banco Granada, 77 Almuñécar Pérez Casquet e Supermercados Dani entre 1986 e 1992. Con todo, logrou consagrarse como un dos mellores adestradores do fútbol sala español.
De tal maneira obtivo a oportunidade de adestrar aos principais equipos do continente europeo como Luparense e Petrarca da Primeira División italiana, Dinamo de Moscova da Superliga Rusa e mesmo se afincou durante catro anos na Liga Nacional de Fútbol sala da man de Caja Segovia.
A aventura asiática de Miguel Rodrigo comeza en 2009 da man do futsal xaponés. A Asociación de Fútbol de Xapón confiou o banco da selección nacional ao técnico da provincia de Granada. Os conceptos tácticos e técnicos que ensinaba e que, posteriormente, aprendían os xogadores do combinado nipón desencadeou bos resultados para Miguel. Xapón consolidou a terceira praza do Campionato de Fútbol sala AFC en 2010.
Dous anos máis tarde, os pupilos de Miguel Rodrigo conquistaron o torneo asiático en 2012 ademais de protagonizar un papel notable na Copa Mundial da FIFA de Tailandia nese mesmo ano. A selección xaponesa selou a súa clasificación cara aos oitavos de final do torneo mundial, aínda estando encadrada na fase de grupos con Brasil, Portugal e Exipto.
Os éxitos cultivados no país do sol nacente chamou a atención das asociacións de fútbol pertencentes á península de Indochina. En 2016, alcanzou a novena posición na clasificación de seleccións que participaron na Copa Mundial FIFA de Colombia con Tailandia. Doutra banda, tamén conquistou o torneo do sueste asiático AFF, o cal o logrou por primeira vez na súa traxectoria como técnico da selección thai.
Posteriormente fíxose cargo da selección de Vietnam. Tamén adestrou ao potente club vietnamita Thai Son Nam, o cal evolucionou notablemente entre 2015 e 2019 tanto en competición nacional como continental grazas ao labor de Miguel Rodrigo, alcanzando o podio da AFC Champions League tres anos consecutivos: bronce en 2017 e 2019 e prata en 2018.
Desde o pasado mes de xaneiro Miguel Rodrigo é o director deportivo de fútbol sala da Federación Andaluza.
En directo na canle de Youtube da RFGF
A xornada online “Falemos de Fútbol Sala con Bruno García e Miguel Rodrigo” comezará ás 19.30 horas e será retransmitida en directo na canle oficial de Youtube da Real Federación Galega de Fútbol (Canle da RFGF).
