A campaña de Nadal Solidaria organizada pola Real Federación Galega de Fútbol (Futgal) foi todo un éxito. Nos últimos días, a organización fixo entrega doutra tonelada de alimentos recadados por toda Galicia. O recadado foi destinado á Cociña Económica da Coruña e Ferrol, a Cruz Vermella de Lugo e a Asociación La Sal de la Tierra en Vigo.
Con esta iniciativa, a Federación pretendía que todo o fútbol galego se mobilizase para recoller o maior número posible de alimentos. Ao mesmo tempo, recordou a todas as nenas e nenos que non tiñan posibilidade de recibir xoguetes durante o Nadal. Por iso, a RFGF tamén repartiu 150 balóns de fútbol.
En total, a Futgal recadou catro mil quilos de alimentos, xa que estos mil engádense os 3.000 recadados nas xornadas do Boxing Day Solidario, entragados a semana pasada coa colaboración de Gadis.
O fútbol galego aporta tres toneladas de solidariedade en forma de comida
Nun comunicado, a Federación expresou que é “moi consciente da realidade que estamos a vivir por culpa dunha pandemia que nos trouxo unha crise sanitaria descoñecida, pero tamén unha enorme crise económica”.
Tres accións na Campaña de Nadal Solidaria do Futgal
Esta iniciativa dividiuse en tres accións: a recollida solidaria de alimentos, o Gol Solidario e o Boxing Day Solidario. Na segunda delas, a intención era trasladar a felicidade dun gol ás nenas e nenos.
Para recadar os balóns que se repartiron, Futgal decretou a xornada do 19 e 20 de decembro como a do Gol Solidario. Cada gol anotado por un equipo galego nesa fin de semana converteuse nun balón da RFGF.
Desde a Federación Galega quixeron agradecer a colaboración de Gadis e tamén ás 3.000 persoas que seguiron en directo as dúas xornadas do Boxing Day Solidario e a toda a sociedade galega por aportar nesta nova edición da Campaña de Nadal Solidaria.
