Unha traballada vitoria foi por 5-2 ante Tailandia foi o primeiro chanzo de España no Mundial de Filipinas. O primeiro gol da Selección Española foi obra de Vane Sotelo. A galega é a máxima goleadora na historia do equipo neste momento e incorpora o seu nome cun novo fito ao ser a máis rápida á hora de anotar para España nun Mundial de futsalfem. Xunto con ela estiveron as tamén galegas: Ale de Paz, Antía Pérez e Martita.
Ver esta publicación en Instagram
España vencía a Tailandia no seu debut mundialista. O conxunto vermello comezou o Mundial 2025 cunha traballada vitoria fronte a unha Tailandia, que soubo aproveitar as súas oportunidades para manterse preto no marcador ata ben avanzada a segunda parte. Unha vitoria que serve para esquecer as baixas dos días previos e mirar con optimismo ao futuro, segundo recolle a RFEF na crónica do encontro.
As de Clàudia Pons comezaron avisando xa aos 40 segundos cun man a man de Laura Córdoba tras un gran pase de Antía Pérez Aínda que o tanto non chegou ata os sete minutos, pouco despois de que as asiáticas tivesen a súa mellor ocasión por medio de Huajaipetch. Vane Sotelo, nunha acción pola banda, marcou o primeiro gol da historia de España nun Mundial cun zurdazo á escuadra.
Pese ao gol, a España notábaselle o peso de ser o primeiro partido, o que propiciou algúns erros. Nun deles, Bubpha facía o empate. Aínda que a resposta española foi rápida. Aos dous minutos, Irene Córdoba marcou desde o bordo da área tras virarse co balón.
Tailandia empátalle a España
Esta vez, a vantaxe volveu durar pouco, aínda que a resposta tamén foi rápida. Nun erro na saída de balón española, Tongdee fixo o 2-2, pero minuto e medio despois Laura Córdoba volvía poñer un gol de vantaxe cun potente disparo afastado á escuadra. Esta vez, España soubo manexar mellor a vantaxe.
Co paso polo vestiario, as xogadoras que adestra a seleccionadora Clàudia Pons asentaron o seu dominio e puxeron, por primeira vez, dous goles de vantaxe.
De novo, foi Laura Córdoba quen marcou cun potente disparo, este raso. A sentenza chegou a 12 minutos para o final, cunha combinación colectiva que culminou María Sanz na área. Co 5-2, Tailandia tentouno co xogo de cinco, pero España defendeuse con orde e levou o triunfo.
O próximo reto será o martes (13:30 horas, Teledeporte), fronte a Colombia, que gañou 2-0 a Canadá.
FICHA TÉCNICA
ESPAÑA: Elena, Laura Córdoba, Antía Pérez, Irene Samper e Irene Córdoba – quinteto inicial -. Tamén xogaron: Noelia, Dany, María Sanz, Ale de Paz, Laura Sánchez, Vane Sotelo, Martita e Cristina (p.s.).
TAILANDIA: Suksen, Artkla, Bubpha, Saetoen e Peanpailun – quinteto inicial -. Tamén xogaron: Tappakun, Kingthong, Meekham, Tongdee, Chimpabut, Tranga, Nakmai, Huajaipetch e Sorahong (p.s.).
GOLES: 1-0 7′ Vane Sotelo. 1-1 9′ Bubpha. 2-1 11′ Irene Córdoba. 2-2 14′ Tongdee. 3-2 16′ Laura Córdoba. 4-2 28′ Laura Córdoba. 5-2 32′ María Sanz.
EQUIPO ARBITRAL: Kimberly Valverde e Yeraldin Araya (Costa Rica). Amoestaron a Artkla e a Chimpabut
INCIDENCIAS: Partido correspondente á fase de grupos do Mundial Filipinas 2025 de fútbol sala feminino. Xornada 1. Primeiro encontro da Selección Española nun Mundial. O cruce disputose no PhilSports Area. Nas filas do combinado vermello houbo catro futbolistas galegas ás ordes de Clàudia Pons: Vane Sotelo, Ale de Paz, Antía Pérez e Martita.
