- Finalizadas as xornadas de portas abertas, con medio cento de xogadoras participantes, as inscricións para a Escola de Fútbol Sala Femino do Parrulo Ferrol continúan abertas con unha veintena de deportistas xa anotadas.
Este venres poñíase punto e final ás xornadas de portas abertas gratuítas de fútbol sala feminino organizadas durante os venres deste mes de xullo polo club O Parrulo Ferrol e a Fundación Gadesport, no Pavillón da Malata. Erika, do Valdetires Ferrol, sumouse ao adestramento.
Nesta xornada as xogadoras participantes, divididas en dous grupos de idade (o primeiro grupo nacidas entre 2012 e 2008 e o segundo grupo nacidas entre 2006 e 2011), realizaron varios xogos predeportivos, como tamén varias modalidades de partido, sempre coa diversión e a aprendizaxe como únicos obxectivos desta sesión que estaba dirixida pola coordinadora da Escola de Fútbol sala do Parrulo Ferrol, Pili Costa, acompañada dos adestradores Alba e Indalecio, ademais de contar coa presenza da xogadora e capitá do Valdetires Ferrol, Erika e do seu delegado e adestrador de porteiras, Nando, froito do acordo de colaboración entre ambas as entidades.
Segundo explican desde O Parrulo Ferrol FS “con estas xornadas finalizadas é o momento de facer un balance, sendo un gran éxito de convocatoria e de participación, con máis de 50 nenas apuntadas e que asistiron a algunha das sesións, un número de participantes moi por encima das previsións iniciais”.
As inscricións para a Escola de FutSalFem do Parrulo continúan abertas
Agora, o obxectivo do Parrulo Ferrol é seguir dándolle forma á súa Escola de Fútbol sala Feminino, na cal xa se recibiron máis de 20 solicitudes de inscrición de xogadoras de todas as idades interesadas en poder formar parte do club nesta nova tempada.
O período de solitud de inscricións para a Escola de Fútbol sala Feminino continúa aberto para as xogadoras de todas as idades, incluída a categoría senior.
Todas as xogadoras interesadas poden anotarse, ou solicitar máis información, no teléfono 671.113.550 ou no email escuela@oparrulofs.es.
Sheila, do Valdetires, anima así ás deportistas a anotarse na Escola de Fútbol Sala feminino do Parrulo Ferrol
Ver esta publicación en Instagram
En Ferrol, O Parrulo e Valdetires chegan a un acordo para potenciar o futsalfem
