A Primera Iberdrola perdeu ao Dépor ABANCA, pero seguirá contando con representación galega. O Comité Técnico de Árbitros da Real Federación Española de Fútbol (RFEF) publicou a composición da categoría de Primeira División Feminina para a campaña 2021-2022 sen novidades con respecto ao curso pasado. Desta forma, sete profesionais de Galicia continuan na máxima categoría.
As colexiadas galegas Zulema González González, Elena Casal Fernández, Beatriz Cuesta Arribas e Eugenia Gil Soriano, ademais das árbitras asistentes Tania Fente Pena, Lorena Novás Benavides e Iria Rosendo González, repiten unha tempada máis na categoría de ouro da arbitraxe feminina, a Primera Iberdrola.
As árbitras galegas, presentes en todas as xornadas da Liga Iberdrola
A árbitra Beatriz Torres Corral (Santiago) e a árbitra asistente Iris Romero Cancelas (Pontevedra) non puideron acadar o salto de categoría á Primera Iberdrola, no Programa de Talentos e Mentores para o fútbol feminino.
Segundo informa a Futgal, outra das boas novas é que a proposta do Comité Técnico de Árbitros da RFEF á FIFA para ocupar as prazas internacionais no ano 2022 mantén por cuarto ano consecutivo a Zulema González González.
