A xornada deixou un balance completamente negativo para o fútbol galego na Segunda Federación.
O Atlético Villalonga caeu por 0-1 ante o Burgos CF, nun partido que se decantou moi cedo cun gol de Aitana Muñoz no minuto 7, tanto que resultou decisivo a pesar dos intentos locais por igualar.
Pola súa banda, o RC Celta de Vigo tampouco puido sumar nada na súa visita ao SD Eibar B, onde regresou cun 1-0 en contra nun encontro disputado pero que rematou sen premio para as celestes.
A xornada negra completouse coa abultada derrota do Dépor ABANCA B, que perdeu por 0-3 fronte ao Olímpico de León, grazas ao hat-trick de Andrea Albiol.
Preocupación no Atlético Villalonga
O escenario tornase cada vez máis negro para o Atlético Villalonga, que a estas alturas da tempada suma tan só catro puntos. As pontevedresas contan cunha única vitoria no que vai de curso, á que se engaden un empate e nove durísimas derrotas, unha traxectoria que as mantén afundidas nos postos de descenso.
Ver esta publicación en Instagram
Ante o Burgos CF, a vitoria non semellaba lonxe, pero finalmente, depois do tanto anotado por Aitana Muñoz, as visitantes acabaron levando os tres puntos pola mínima (1-0). Un resultado que complica aínda máis, se cadra, a situación dun Villalonga que non remata de atopar o camiño da salvación.
FICHA TÉCNICA:
0) ATLÉTICO VILLALONGA: Lara González, Eva Valverde, Sabela Gómez, Noelia Pereira, Sara García, Noa Santomé, Ana Iglesias, María Gómez, Lucía Pérez. Emma Domínguez e Paula Sanmartín.
1) BURGOS CF: Neike Barga, Estefanía Romero, Cristina López, Ángela Moreno, Aitana Muñoz, Catalina María Roselló, Irene Mateo, Ane Uazhi Alonso, Rebeca Cuesta, Raquel Mata e Claudia Gómez.
EQUIPO ARBITRAL: Alejandro Gómez Cerqueiro, Ismael González, Carames e Xoel Silva Prieto.
GOLES: 1-0 Aitana Muñon Martínez (min. 7)
INCIDENCIAS: Partido correspondente a 11ª xornada de liga da 2ª Federación de Fútbol Femenino Grupo 1, disputado no Estadio Novo San Pedro (Sanxenxo).
Tropezo das Celtas en Eibar
As celestes están a vivir unha tempada chea de éxitos. A estas alturas do curso futbolístico o RC Celta de Vigo sitúase segundo na clasificación, a tan só un punto do Athletic Club B, líder da competición. O seu balance é incuestionable: nove vitorias nos once partidos disputados e tan só dúas derrotas, resultados que non condicionan, polo de agora, as súas aspiracións para o que resta de campaña.
As viguesas mantéñense como firmes candidatas ao título ligueiro, malia o seu recente tropezo fronte ao SD Eibar B, que gañou pola mínima (1-0) grazas a un gol de Karolina Sarasua no minuto 58.
Ver esta publicación en Instagram
FICHA TÉCNICA:
1) SD EIBAR B: Zorione Etxebeste, Irati Arostegui, Ane Amuchastegui, Iraia Yerobi, Noa Ruiz, Lorea Onsoño, Karolina Sarasua, Itxaso Arteaga, Nerea Gallastegui e Uxua Guezala.
0) RC CELTA DE VIGO: Naiara Martínez, Paula Jimena,, Ana Toubes, Estela Castro, María Figueroa, Noela Sánchez, María Nogueira, Sara Álvarez, Sara Debén, Nerea González e Celia Fontecha.
EQUIPO ARBITRAL: Nerea Morales Estepa, Uxue Varas Maestro e Mireia Cruz Martín.
GOLES: 1-0 Karolina Sarasua García (min. 58)
INCIDENCIAS: Partido correspondente a 11ª xornada de liga da 2ª Federación de Fútbol Femenino Grupo 1, disputado na Ciudad Deportiva Eibar (Mallabia).
Curso discreto do Dépor ABANCA B
Non está a ser unha campaña especialmente positiva para o Dépor ABANCA B, o cadro dirixido polo técnico Sandro Nogueira, encaixou a súa sexta derrota do curso o pasado domingo ante o Olímpico de León en Abegondo, cun significativo 0-3. Un hat-trick de Andrea Albiol deulle os tres puntos ás leonesas, un triunfo que lles permite situarse na novena posición da táboa clasificatoria, xusto por detrás das deportivistas.
Ata o momento, o cadro herculino gañou tan só catro dos once partidos disputados e logrou un único empate, o que sumado ás mútiples derrotas, evidencia certas carencias no seu xogo. Esta situación coloca ao equipo nun escenario delicado, no que calquera erro ou baixo rendemento pode ter consecuencias importantes na clasificación.
FICHA TÉCNICA:
0) DÉPOR ABANCA B: Antía Veiga, Sara Barreda, Michi Apóstol, Carmen Carballada, Marta Rico, Lucía Rivas, Sonsoles Martín, Lucía Mariño, Paula Redru, Daniela Valbuena e Laura Ruiz,
3) OLÍMPICO DE LEÓN: Natalia Fernández, Alba Fariza, Sofía Fernández, Aitana Ruda, Helena Vives, Ayure Rodríguez, Aida Samper, Emma Pérez, Verónica Sotillo, Andrea Albiol e Norah Álvarez.
EQUIPO ARBITRAL: Adrián García Rodríguez, Luis Freije Novo e Aroa Varela Monteagudo
GOLES: 1-0 Andrea Albiol Gargallo (min. 13); 2-0 Andrea Albiol Gargallo (min 50); 3-0 Andrea Albiol Gargallo (min 85).O DOMINGO 7
INCIDENCIAS: Partido correspondente a 11ª xornada de liga da 2ª Federación de Fútbol Femenino Grupo 1, disputado na Ciudad Deportiva de Abegondo (A Coruña).
Ver esta publicación en Instagram
Duelo galego na vindeira xornada da 2.ª Federación de fútbol
O Atlético Villalonga FF e o RC Deportivo ABANCA B enfrontaranse na próxima xornada (o 6 de decembro, xa que a vindeira semana non haberá competición ligueira) no Estadio Novo San Pedro de Sanxenxo.
O encontro terá lugar ás 17:00 horas e medirá aos dous conxuntos galegos que máis necesidade teñen de sumar puntos.
No caso do Atlético Villalonga, resúltalle crucial acadar a vitoria para así estar máis preto de saír dos postos de descenso e manter a categoría.
Pola súa banda, o Dépor ABANCA B, aínda que non está nunha situación tan apurada, precisa gañar confianza sobre o verde e recuperar o seu mellor nivel de xogo.
As Celtas buscarán a vitoria contra o Burgos CF o vindeiro domingo 7 de decembro, ás 11:30 horas na Ciudad Deportiva de Castañares (Burgos).
