O FSF Castro recibirá ao Viaxes Amarelle FSF ante o inminente inicio de competición para as herculinas. Son días de amigables de pretempada e de inicio de competicións. No caso do fútbol sala a competición aínda está por iniciarse así que os clubs galegos están ultimando a súa preparación con encontros nos que as probas e os ensaios son o funfamental de cara á competición.
O cadro herculino empezou a pretemporada o pasado 31 de agosto, previa realización de test de todo o persoal e corpo técnico. Tras practicamente un mes de adestramentos con limitacións, e o novos test realizados na tarde deste martes para poder empezar a competir en pouco máis de 15 días; o Viaxes Amarelle FSF empeza a súa campaña de encontros amigables, onde debutará mañá mércores 30 de setembro de 2020 no Pavillón Municipal de Castro Ribeira de Lea (Castro de Rei), visitando ao FSF Castro a partir das 21:00 horas.
O primeiro rival desta tempada das coruñesas será o FSF Castro, equipo contra o que o conxunto herculino competiu durante a pasada campaña no Grupo 1 da Segunda División Nacional Feminina FS.
O FSF Castro foi unha das sorpresas da pasada tempada na 2ª División Nacional FSF
O conxunto de Castro de Rei foi unha das sorpresas da tempada, que como un recentemente ascendido quedou na quinta posición da xeral. Un equipo con xogadoras moi novas e de calidade, que este ano incorporaron algunhas xogadoras con máis experiencia, e un técnico con experiencia na categoría; polo que aspiran a seguir crecendo na competición, e non serán un rival fácil para as herculinas.
O Amarelle, con moitas novidades no seu plantel, tras seis novas incorporacións; e mantendo seis xogadoras da pasada campaña; buscará ir encaixando pezas e buscar o ton xusto para empezar a competición na Primeira División Nacional Feminina de Fútbol sala na mellor forma posible.
Para este primeiro test de pretemporada, as herculinas viaxarán até o Pavillón Municipal de Castro Ribeira de Lea (Castro de Rei) este mércores 30 de setembro de 2020, onde se enfrontarán desde as 21:00 horas contra o anfitrión, FSF Castro.
FISIOCOVID
A nova normalidade, faise complicada para todos os clubs, e esta nova tempada atípica na que clubs como o Viaxes Amarelle FSF seguen dantando pasos, aos poucos. No caso das coruñesas e como previa aos primeiros amigables, “o persoal e corpo técnico realizou na tarde deste martes novos test de COVID-19 na sede da Mutualidad da Real Federación Galega de Fútbol na Coruña, resultando todos eles negativos”, según informa o club.
Aceptación por parte do club das medidas dadas pola Secretaría Xeral para ou Deporte e o cumprimento do protocolo FISIOCOVID da Real Federación Galega de Fútbol; provocan que o Viaxes Amarelle FSF poida dar comezo aos seus encontros contra outros equipos, sempre previa autorización da RFGF e da Xunta de Galicia.
