O Pabellón Javier Imbroda Ortiz acolle o cruce entre o Torreblanca Melilla CF e o FSF Castro Bloques Cando correspondente á sexta xornada da Primera División do fútbol sala feminino español. O partido dispútase hoxe, sábado 21 de outubro a partir das 19:00 horas coa arbitraxe do colexiado Antonio Jesús García Robles.
MCD Torreblanca Fsf Castro Bloques Cando
Sábado 21/10
Pabellón Javier ImbrodaVamos equipo @Castrofutsalfem #FutSal #FutbolSalaFemenino #Rfef #PrimeraIberdrola pic.twitter.com/jFpj8J3H8y
— Cando FSF Castro (@Castrofutsalfem) October 19, 2023
O conxunto local, que adestra o técnico galego Morenín, preséntase ante as de Castro de Rei logo de ter gañado dous partidos seguidos. Primeiro ante as murcianas de LBTL Futsal Alcantarilla (3-1), e logo ante o fronte as galegas do ENCE Marín Futsal (1-5).
Morenín convocaba para a cita coas lucenses a estas futbolistas:
Las por Morenín para el #TorreblancaCastro#PrimeraIberdrolaFS pic.twitter.com/t000f4fh2N
— Melilla Ciudad del Deporte Torreblanca C.F (@TorreblancaFS1) October 20, 2023
As futbolistas da chaira, que adestra Chipi, viaxan a Melilla sen baixas. Na última xornada estiveron a piques de dar a badalada ao perder por só un gol ante o todopoderoso Futsi Atlético Navalcarnero (3-4). Previamente o FSF Castro Bloques Cando empatara a domicilio co CDE Leganés FS Masdeporte (4-4). O último triunfo das lucenses foi na xornada 3 no Pavillón Municipal Ribeiras de Lea ante o Nueces de Ronda Atlético Torcal FS ao que se impuxeran as galegas por un tanteo de 3-1.
Ubicadas na 12ª posición da táboa na máxima categoría do FutSalFem estatal no que debutan esta tempada, as galegas do FSF Castro Bloques Cando gañaron un partido, empataron dous e perderon outros dous. Suman polo tanto cinco puntos no seu casilleiro. O seu rival, o Torreblanca Melilla CF é sexto con 9 puntos froito de tres vitorias e dúas derrotas.
O partido poderá seguirse a través de Live Vuvuzela e TV Melilla.
