Un novo derbi lugués vaise disputar no pavillón municipal de Ribeiras de Lea este sábado ás 19.30h entre o Reyco Burela e o FSF Castro Bloques Cando.
Bonito encontro no que as pícaras do Reyco Burela enfrontaranse a moitas das antigas xogadoras do club laranxa así coma a o adestrador, Julio Delgado, que non poderá dirixir dende a pista por sanción.
Ambos rivais xa non se xogan nada, tras perder tamén a opción a disputar o play-off o conxunto castrense.
Cris Blanco, terceira capitá da entidade laranxa e unhas das xogadoras que máis minutos de xogo acumula nesta tempada 25/26, declaraba: “Dende que se consumou o descenso, dende que xa sabíamos que era matemático, a reflexión que fixemos todo o equipo xunto ao corpo técnico, que tamén nolo recalcou, tanto Belén coma Jairo, foi que agora nesta recta final o único que non podemos facer é baixar os brazos e deixar a tempada pasar, senon que hai que seguir dando a cara e seguir competindo”.
Cris Blanco: “Non podemos facer é baixar os brazos e deixar a tempada pasar, senon que hai que seguir dando a cara e seguir competindo”
A futbolista explicaba na previa do derbi lucense que a xente “síguenos vendo, a nosa afección segue estando con nós, todo o mundo do fútbol sala e que sigue os partidos síguenos vendo e nós temos que seguir dando a cara ata o último día, polo equipo, polo club, pola afección e por nós mesmas”.
Ver esta publicación en Instagram
Consultada sobre como foi o ambiente no vestuario e os adestramentos desta semana? explicaba Cris Blanco que esta semana o conxunto laranxa tivo “algún adestramento menos, pero eu creo que estamos todas nesa mesma dinámica de intentar rematar a temporada competindo, como dixen antes, e nos adestramentos intentar seguir traballando todo o que nos expliquen, aprender cousas novas ata o último día e poder demostralo despois o fin de semana na pista”.
O Reyco Burela FS quere rematar “cunha alegría”, di Cris Blanco
Á pregunta sobre a dureza do rival así como do fermoso que é xogar un derbi lucense Cris Blanco declaraba: “Todos os derbis son moi bonitos de xogar, son partidos superbonitos, e neste caso si que é certo que nin Castro nin nós nos xogamos nada, elas non conseguiron xogar en play-off e nós consumamos o descenso, pero aínda así ambos equipos queremos competir e queremos dar a nosa mellor versión”.
Cris Blanco: “Consumamos o descenso, pero aínda así ambos equipos queremos competir e queremos dar a nosa mellor versión”
Tal e como declaraba a futbolista: “A nós non nos acompañaron os resultados e queremos acabar cunha alegría da forma que sexa, elas tampouco veñen da mellor racha posible e non creo que queiran tampouco rematar a temporada con esa imaxe sendo un equipo que pelexou por todos os títulos que había esta temporada en xogo”.
Cris Blanco. “Imos intentar sacar os tres puntos e intentar levarnos o derbi, que sería unha pequena alegría agora a final de temporada, que nos viría moi ben tanto a nós coma á afección, tras esta temporada que tan dura. Imos con ganas e con moito ánimo a intentar gañar”
Consultada sobre como afrontan as pícaras do Reyco Burela FS o partido ante o FSF Castro Bloques Cando, a futbolista explicou: “Imos intentar sacar os tres puntos e intentar levarnos o derbi, que sería unha pequena alegría agora a final de temporada, que nos viría moi ben tanto a nós coma á afección, tras esta temporada que tan dura. Imos con ganas e con moito ánimo a intentar gañar”.
