O Celta Zorka Recalvi ten o compromiso de recuperar un partido aprazado esta fin de semana na Liga Feminina 2. O domingo xogarán o encontro ante o Extremadura Miralvalle Plasencia, ás 18:00 horas en Navia.
Este será un partido moi interesante desde o punto de vista baloncestístico. As celestes seguen pelexando polo seu merecido posto na parte alta da clasificación e por ter opcións para o ascenso. Enfronte, un novato na categoría pero que segue sorprendendo xornada tras xornada colándose tamén entre os grandes.
O Celta Baloncesto chega dun illamento que as mantivo apartadas da pista durante dúas xornadas, para volver incluso máis fortes cunha vitoria ante o Vega Lagunera Adareva.
De cara a este partido, poderá volver tamén a súa adestradora, Cristina Cantero, que tivo que ausentarse a pasada fin de semana.
Man a man entre Celta Zorka Recalvi e Miralvalle
As galegas querrán resalcirse este domingo en casa vencendo a un Miralvalle que se levou por un 65-57 o partido da ida.
Para vencelas, as celestes aproveitará o cansancio do Miralvalle, que o día anterior deberá xogar en Pontevedra contra o CB Arxil, nun duelo enmarcado na vixésima xornada.
O enfrontamento entre viguesas e extremeñas será un dos máis importantes da fin de semana. Ambos se xogan ter un oco entre as mellores, nun momento previo á fin de semana no que as separa un escaso punto e coas celestes cun partido disputado menos.
O encontro poderá seguirse vía streaming no Canal FEB.
O illamento non frea o xogo dun Celta que gaña na Laguna 52-73
O partido ante o Azkoitia Azpeitia, adiado
No calendario das celestes estaba sinalado o sábado como data para disputar a vixésima xornada da LF2 ante o Azkoitia Azpeitia.
Finalmente, este partido tivo que ser aprazado, ao presentar o cadro vasco unha incidencia pola COVID-19. Queda así pendente que ambos equipos acorden unha nova data.
Comunicado oficial – Celta Femenino https://t.co/duroJzoISK
— CELTA BALONCESTO 💙 (@Celtabaloncesto) February 12, 2021
