O Peluquería Mixta Friol acumula catro derrotas seguidas. A plaga de lesións que está a sufrir o conxunto lucense desde que comezou o ano está a lastrar moito a labor das galegas. Sen dúbida, o seu talón de Aquiles. Para esta xornada 19 da Liga Reto, o conxunto dirixido por Geluco Villar viaxa ata Oviedo para enfrontarse ao Oviedo Moderno ás 12:30 do domingo no Álvarez Rabanal.
As de Friol, viaxan o vindeiro domingo pola mañá e terán enfronte a un conxunto ovetense que transita pola zona temperada da táboa con 24 puntos no casilleiro. A pesar da mal refacho de resultados que acumulan as de Villar, viaxan á comunidade veciña con moita ilusión e ganas de sumar.
“Temos que saír o máis forte posible ante o Oviedo e pensar en recuperar pouco a pouco ás xogadoras que están lesionadas”, esa é a filosofía coa que Geluco Villar pretende saír e motivar ás súas para o encontro do vindeiro domingo.
Geluco Villar, adestrador do PM Friol: “Temos que saír o máis forte posible ante o Oviedo e pensar en recuperar pouco a pouco ás xogadoras que están lesionadas”.
Máis experiencia para o corpo técnico
O pasado mércores, o conxunto lucense amanecía con boas novas. Pere Tobaruela, adestrador catalán procedente do Calo e do Vitoria FC de Nacional, uníase ao corpo técnico para aportar experiencia e sumar tanto nos adestramentos como nos partidos.
Geluco Villar quixo dar a benvida ao novo membro do seú corpo técnico: “Pere Tobaruela vén para axudar ao corpo técnico e sumar. A idea é tomar as decisións en conxunto, tanto nos partidos como nos adestramentos, para crear un grupo de traballo e mellorar.
Geluco Villar, adestrador do PM Friol: “Pere Tobaruela vén para axudar ao corpo técnico e sumar. A idea é tomar as decisións en conxunto, tanto nos partidos como nos adestramentos, para crear un grupo de traballo e mellorar”.
Hoy os presentamos a Pere Tobaruela, entrenador catalán procedente del Calo y del Victoria FC de Nacional, que se une al cuerpo técnico del PMFRIOL A aportandonos su experiencia. Bienvenido Pere y gracias por unirte a nuestro #RetoIberdrola pic.twitter.com/HIHN9E0HY4
— PMFRIOL (@pmfriol) January 29, 2020
Paula, nova perla do Friol
Seguindo coa boas novas, a este partido fronte o Oviedo Moderno irá convocada Paula, unha xogadora de tan só 15 anos e unha das posibles perlas da canteira do Friol. “Debido ás lesións, vai convocada Paula, que ten tan só 15 anos e é a súa segunda tempada no club. É unha boa xogadora que pode xogar tanto de dianteira como de extremo”.
Geluco Villar, adestrador do PM Friol: “Debido ás lesións, vai convocada Paula, que ten tan só 15 anos e é a súa segunda tempada no club. É unha boa xogadora que pode xogar tanto de dianteira como de extremo”.
No aspecto das baixas, o talón de Aquiles das lucenses, tanto Andrea Mirón como Mariajo seguen lesionadas. E Muxu e Marta están entre algodóns. A boa nova chega co nome propio de Lucía Pardo. Ao final, a súa lesión da finde pasada non foi tan grave como parecía e sufre unha distensión. “Hoxe vai adestrar e irá convocada pero non creo que poida ser da partida. Se ten minutos, será pensando no próximo partido, o do Atlético de Madrid”, falaba Geluco da súa xogadora franquicia.
