O pasado domingo, ás 12:00 horas, o Peluquería Mixta Friol fixo a súa presentación oficial de cara a nova tempada 20/21 que comeza esta fin de semana. O estadio municipal da Reigosa acolleu a VIII edición do Trofeo Concello de Friol cun amigable ante o Victoria FC.
O plantel dirixido desde o pasado mes de agosto por Abraham García conseguiu impoñerse por 4-3 nun partido que serviu para coller ritmo a ambos equipos e ir adoptando sensacións de xogo tras o parón.
Presentación oficial
Ademais, este amigable serviu como estrea e para facer a presentación oficial do plantel amarelo de cara a nova tempada da Reto Iberdrola 20/21 que comeza esta fin de semana, no que o conxunto lucense enfróntase ao Rácing Féminas.
Por outra banda, o Friol tamén anunciou a apertura do prazo para facerse socio e acceder aos partidos da División de prata de forma preferente obtendo descontos especiais en produtos da tenda.
O equipo dirixido por García xa está practicamente definido para esta tempada, na que contará co regreso de Marta López, tras un ano alonxada dos campos. No capítulo de renovacións figura Natalia Llames, Goretti, Mushu, a máxima goleadora da tempada pasada Lucía Pardo e Fanny Varela, entre outras.
Fichaxes de renome
No apartado de incorporacións está a de Sara García, porteira abulense de 21 anos que procede do Real Oviedo ou a de Noelia Díez, defensa do Parquesol de 22 anos. A defensa madrileña Noemí Andrés Laguna tamén formará parte do plantel de cara a esta campaña 20/21.
Entre fichaxes internacionais destacan Amani Bernadette, internacional absoluta con Costa de Marfil ou María Monterroso, dianteira internacional con Guatemala. A elas sumouse Agnes Marie Claire Nkada, internacional con Camerún que, aos seus 25 añnos ten unha ampla traxectoria profesional.
Monterroso, tras o pitido final escribiu nas súas redes sociais unha mensaxe xunto a fotografía cosas súas compañeiras e o trofeo: “Hoy disputamos el VII Trofeo Concello de Friol contra el Victoria FC como parte de la preparación para nuestro torneo. ¡Vamos por más equipo!”.
https://www.facebook.com/monterrosomariaa/photos/a.1933060210262311/2882761608625495/?type=3
Boas sensacións con fichaxes de renome para esta nova aventura na división de prata do fútbol nacional.
O Victoria FC tamén comezará a tempada esta fin de semana, ante o Valladares, e este duelo amigable ante o Friol de seguro que será un gran punto de partida e de preparación para o arranque da tempada na 1ª División Nacional.
