Tan só restan nove puntos en xogo. Tres xornadas para decidir a clasificación final da Primera Nacional Feminina. A antepenúltima xornada semella decisiva ante o duelo que enfrontará ao primeiro clasificado, o PM Friol, contra o segundo, o Sardoma CF. A falta de tres xornadas a distancia que separa a ambos os conxuntos é de cinco puntos, pero no caso de que o equipo lucense logre a vitoria podería ser campión da Primeira Nacional, sempre e cando o Oviedo Moderno B perda o seu partido co UD Mos.
De pouco serviría unha vitoria do Viajes Interrías FF fronte ao Olímpico de León xa que a distancia que lles separa do liderado é de seis puntos, pero as de Lugo teñen gañado o goal average particular tras perder no partido de volta por tres goles a cero na Reigosa.
Ver esta publicación en Instagram
Na primeira volta o Friol gañou a domicilio ás viguesas por dous goles a tres cun dobrete de Alicia Martínez polo que espérase un encontro moi disputado e de difícil prognostico aínda que a posibilidade de facerse co campionato a dous xornadas do remate semella un bo aliciente para pechar esta fase. Pola súa banda, as asturianas contan coa vantaxe de que a UD Mos non ten maior incentivo que o de mellorar a súa clasificación.
A xornada, polo tanto, semella decisiva para encarar as dous últimas quendas nesta liga 2021-22 na Primeira Nacional Feminina da RFEF. A derrota ou un empate do Friol deixaría aos tres primeiros clasificados practicamente igualados. E hai que ter en conta que o Oviedo Moderno B enfróntase ao Sardoma CF e ao Friol nas dous últimas xornadas nun final de liga de infarto, sempre que estas últimas non pechen xa as opcións do resto esta vindeira fin de semana.
Ascenso automático do Friol?
De acadar as lucenses o campionato ascenderían de xeito automático a futura Terceira División RFEF, unha nova categoría do fútbol feminino, composta por vinte equipos, que acollerá aos dous mellores conxuntos máis os seis mellores terceiros da cada grupo da Primeira Nacional Feminina. Como hai sete grupos na actual competición haberá un deles nos que o terceiro equipo da táboa non ascenda.
Polo que respecta o resto da xornada o Deportivo A Banca “B” visitará o campo municipal de Santa Isabel, aínda con opcións de acadar as prazas de clasificación para o ascenso, para medirse ao Victoria FC, que aínda ten opcións de manter a categoría. As santiaguesas están a seis puntos do Real Sporting de Gijón SAD “B” e un traspé das asturianas no campo da Bouza contra o Umia FC deixaría a salvación a tres puntos a falta das dous últimas xornadas.
Tanto as coruñesas como as compostelanas disputan unha final. Os enfrontamentos directos da parte alta da clasificación poderían beneficiar as branquiazuis no caso de saír cos tres puntos de Santa Isabel. E, pola súa banda, o Victoria FC ten que gañar e esperar unha derrota do Real Sporting de Gijón SAD “B” para poder soñar coa salvación.
Ver esta publicación en Instagram
Ademais o Victoria CF enfróntase ao Versalles “A”, ambos os dous sen opcións de ascenso e coa salvación garantida, e un Villestro xa descendido visita o campo de La Cruz onde lle espera un Gijón FM que quere apuntarse a súa novena vitoria no campionato.
A xornada preséntase emocionante para o desenlace final do campionato na Primeira que terá no campos da Reigosa e de Santa Isabel os encontros máis destacados. Haberá que seguir a xornada con calculadora e botar contas.
