Partido complicado o disputado durante o mediodía de hoxe en Valladolid. As de Friol sufriron a intensidade das locais e non foron quen de dar volta ao gol inicial de Yurima na primeira metade (minuto 29).
Mellorou o equipo presidido por Geluco Villar na segunda metade pero sen éxito de cara a porta. A falta de acerto nos metros finais perxudicaron moito as galegas. A choiva e as lucenses foron as claras dominadoras dunha segunda metade no que o esférico non quixo entrar na portería local, defendida por Lucía.
Ao remate do encontro, o presidente das galegas, Geluco Villar, foi moi claro: “Estamos nun momento moi delicado e só toca traballar para levantar a cabeza. O equipo está baixo animicamente, pero temos que seguir loitando para conseguir dúas victorias nas últimas xornadas da primeira volta e saír das zonas de abaixo”.
Villar destacou a igualdade vivida no partido en Valladolid: “Foi un partido moi igualado. Elas fixéronnos moito dano as nosas costas. Despois do gol no minuto 29 fomos a remolque todo o partido e saturamos moito o xogo pola zona central e sen acerto. Non fumos capaces de sacar o xogo cara as bandas e liberar o centro do campo”.
Tamén falou sobre a mellora das lucenses na segunda metade: “Na segunda metade tivemos mais fluidez no xogo e intentamos crear perigo pero sen acerto”.
O Peluquería Mixta Friol xoga no Municipal de A Reigosa o vindeiro 15 de decembro contra o SE AEM, actual 4º clasificado da Liga Reto Iberdrola.
FICHA TÉCNICA
C.D. PARQUESOL PATATAS MELÉNDEZ: 13 Lucía, 2 Carla, 3 Noelia, 6 Bárbara, 7 Sandra, 12 Sara Buitrago, 14 Natalia, 16 Sandra Calvo, 17 Yarima, 19 Paula, 21 Isabel. | 1 Ana Belén, 9 Alicia, 10 Marta, 15 Alicia, 18 Alicia Rey, 20 Alaitz, 22 Storey.
PELUQUERIA MIXTA FRIOL: 1 Aroa, 3 Natalia Llames, 5 Loa, 8 Natalia Sánchez, 9 Jesica, 10 Cecilia, 11 Lucía C., 14 María, 16 Jone, 17 Andrea, 21 Irene. | 4 María Flores, 6 Estefanía, 13 Laura P., 18 Carmen, 19 Goretti.
TROCOS: 60′ sale Sara Buitrago entra Alicia Carranza
65′ sale Cecilia entra Estefanía
70′ sale María Corral entra Goretti
70′ sale Sandra Calvo entra Marta
88′ sale Yarima entra Alaitz
89′ sale Sandra Pascual entra Alicia Rey
GOLES: 29′ Yarima 1-0
AMONESTACIÓNS: 37′ Carla, 80′ Isabel
COLEXIADAS: David Rivera García (Comité Castilla y León), principal.
