O Peluquería Mixta Friol ten unha cita moi importante o vindeiro sábado no campo de A Reigosa ás 16:30 ante o Atlético de Madrid B. As de Geluco Villar levan sen saborear as meles da vitoria desde o 15 de decembro do ano pasado, cando as lucenses impuxéronse por 4-1 ao SE AEM con goles de Jone, Lucía Pardo, Carmen e Estefanía.
As lucenses, queren afastar ás pantasmas do descenso que está a tan só un partido. Tres puntos que separan ao Friol do Pozuelo de Alarcón que marca a liña vermella con 13 puntos. O rival de mañá do Friol, o Atlético de Madrid B, leva tres partidos seguidos sen perder e buscará asaltar a Reigosa e rememorar o partido de ida no que venceron por 5-2 as galegas.
A pesar do mal refacho de resultados que está a sumar o conxunto lucense, parece que as galegas están a ver a luz en canto ás lesións. O comezo do ano non foi doado xa que a plaga de lesións fixo moito dano as de Villar, mermando en confianza e en xogo. Desde o partido da semana, as xogadoras van saíndo a contagotas da enfermería para axudar ao equipo e voltar á senda da vitoria.
Xa destacaba este aspecto o técnico galego tras o partido da semana pasada en Oviedo: “O positivo do partido foi que non houbo máis lesións e que estamos a recuperar a xogadoras. Agora temos que pensar en sacar un bo resultado ante o Atlético de Madrid na nosa casa”.
Geluco Villar, adestrador do PM Friol: “O positivo do partido foi que non houbo máis lesións e que estamos a recuperar a xogadoras. Agora temos que pensar en sacar un bo resultado ante o Atlético de Madrid na nosa casa”.
