- Francisco Usero súmase ao equipo técnico do CRAT que lidera Jos Porto e no que tamén está Juan Carlos Fernández.
A renuncia de Helen Roca, que acaba de ser nai por segunda vez, a adestrar ao equipo feminino de Liga Iberdrola esta tempada, obrigaba á dirección do CRAT para mover ficha para reforzar un staff técnico no que continuarán Jos Portos como técnico e Juan Carlos Fernández como segundo adestrador e analista de vídeo.
Francisco Usero (Ferrol, 1979), foi un referente do rugby galego recente. Xogador de primeira división durante varios anos, capitaneou a selección rexional durante máis dunha década e chegou a ser chamado en varias ocasións polo combinado nacional.
Francisco Usero foi adestrador en diferentes categorías da Selección Galega
Paco, como se lle coñece no mundo do oval, é licenciado en Ciencias da Actividade Física e durante os seus últimos anos de curto, formouse como adestrador e preparador físico de World Rugby para dar o salto aos bancos. Así, durante as últimas tempadas, Francisco Usero, foi coach de distintas categorías da selección galega, así como de Ferrol Rugby; exercendo a súa faceta de preparador en Vigo e coa Selección de Seven.
Aínda que será a súa primeira experiencia dirixindo a un conxunto de primeira división, a formación, carácter e coñecementos demostrados por Francisco Usero fan que desde a directiva do CRAT considérese que é o seu momento, e que é a persoa idónea para acompañar a Jos Porto ás rendas do equipo de Liga Iberdrola.
