Foz acollerá este domingo 22 de outubro o Campionato Xunta de Galicia de Campo a través por clubs. Para as categorías absoluta, Sub-23, Sub-20, Sub-18, Sub-16 e remudas mixtas, a cita levarase a cabo no circuíto do Pavillón dos Castros da localidade lucense a partir das 10.30 horas baixo a organización do C.A. Atletismo Ría de Foz e da Federacion Galega de Atletismo.
Na presentación da cita estiveron presentes representates de Concello de Foz, Xunta de Galicia, colaboradores e Federacion Galega de Atletismo a través do seu presidente Iván Sanmartín e do vicepresidente Suso Vázquez.
Atletas importantes nesta proba de campo a través
Para este primeiro gran campionato invernal de campo a través, contarase con preto de 300 atletas encadrados en 55 conxuntos en representación dos clubs ADAS CUPA, A.D. Fogar, A.F. Celta, A. Viguesa Atletismo, Atlética Lucense, C.A. Sada, C.A. Santiago, C.A. Millaraio, C.A. Ría de Foz, C.A. Ribadeo, C.D La Purísima, Comesaña S.C., Ferrol Atletismo, Lucus Caixa Rural, Ourense Atletismo, Riazor Coruña, S.D. Compostela Atletismo e Sociedad Gimnástica.
A nivel individual está confirmada a asistencia a Campionato Xunta de Galicia de Campo a través por clubs que acolle o Concello de Foz de importantes figuras do atletismo galego e estatal. Entre as mesmas estará a internacional Xela Martínez da Atlética Lucense quen anunciaba recentemente a súa marcha á universidade estadounidense de Carolina do Norte. Xunto á lucense tamén estarán presentes a campioa de España Sabela Castelo como atleta filial da Gimnástica na Sub-16, Amparo Corredoira da Atlética Lucense na Sub-18 ou Teo de Frutos do Lucus na Sub18 por citar algúns
A nivel de equipos o ADAS CUPA aspira a repetir na categoría absoluta e de remudas mixtas, os títulos logrados o ano pasado para o cal terá tanto a Iria Fernández, María Cedrón e Akka Essaadaoui como primeiros espadas dos seus respectivos equipos.
No resto de categorías a Atlética Lucense intentará reeditar oa campionatos Sub-18 en ambas categorías e a Sub-16 feminina logrado o ano pasado.
Algo máis aberto estará a priori o podio Sub-16 masculino na que o A.D.Fogar terá que medirse nada menos que aos importantes clubs de La Purísima, Sada, Riazor, Gimnástica, Compostela e AVA si desexa revalidar título.
Ca disputa deste primeiro campionato importante da tempada, ponse o punto de inicio a toda unha serie de competicións autonómicas que estarán basicamente centradas no campo a través e na pista cuberta e que marcarán a axenda neste treito invernal da tempada.
