O xogadora norte-americana Forster, fai historia no Arxil ao ser a primeira xogadora desa nacionalidade que renova no club verde.
Segundo informan desde o club pontevedrés, a pivote Heather Marie Forster seguirá defendendo a camiseta do CB Arxil tras alcanzar un acordo para a extensión do seu contrato. Deste xeito, a xogadora, unha das máis valoradas da Liga Feminina 2, cumprirá a súa segunda tempada en Pontevedra.
A pivote de 1,88 m e 24 anos renovou o seu compromiso co equipo e continuará como unha das líderes deste proxecto galego.
Os números de Forster
A súa aportación foi capital nesta tempada na LF2. Foi precisamente nesta competición de prata do baloncesto feminino español na que Forster desenvolveu un xogo moi constante, promediando 12,1 puntos, 9 rebotes, 1 asistencias e 1,5 recuperacións. Uns números notables que a converteron na quintaª mellor reboteadora de toda a Liga, ademais de ser o xogadora número 11 máis valorada, 15,5.
A xogadora destaca sobre a súa continuidade no equipo pontevedrés que decidiu “volver ao equipo porque creo que a tempada foi interrompida e gústame axudar ao Arxil a seguir crecendo”.
Forster, pivote do CB Arxil: “Decidín volver ao equipo porque creo que a tempada foi interrompida e gústame axudar ao Arxil a seguir crecendo”
En canto ao que pode aportar ao conxunto verde, a pivote americana sinala que cree que pode “achegar moito mais ao equipo dentro e fóra da pista e poder facer todo o que sexa necesario para que sexa un ano exitoso”.
Forster, pivote do CB Arxil: “Coido que podo achegar moito mais ao equipo dentro e fóra da pista e poder facer todo o que sexa necesario para que sexa un ano exitoso”
Forster convértese na cuarta integrante do plantel arxilista para a próxima tempada, tras as renovacións de Cristina Diaz-Pache, Natalia López e a fichaxe da castellonenca Noelia Masia.
🚨💚🚨Como xa adiantaramos no anuncio da saída de Joana, a pivote neoyorkina Heather Forster continuará un ano mais no noso senior de Liga Femenina 2. @HeatherMForster signed 👏🏻👏🏻#FAMILIAVERDE#estaestugrada #LF2 pic.twitter.com/qXyCc81Iwa
— CB Arxil (@ArxilCb) July 14, 2020
O club traballa insistentemente en completar unha plantilla máis longa que a tempada pasada, así como nas renovacións do resto das xogadoras.
