Forster di si ao CB Arxil e sumará tres cursos na entidade verde

A xogadora norteamericana Forster, fai historia no CB Arxil xa que é a primeira xogadora desa nacionalidade que xogará por terceira tempada consecutiva no club verde.

Segundo explican desde o club, era unha prioridade para o corpo técnico do CB Arxil e o cariño da xogadora americana polo equipo, polo club e pola cidade levoulle a rexeitar ofertas de categoría superiores. Forster quere axudar ao CB Arxil a pelexar por cotas altas nesta tempada 2021/22.

Así, a pivote Heather Marie Forster seguirá defendendo a camiseta do club pontevedrés tras alcanzar un acordo para a extensión do seu contrato. Deste xeito, a xogadora, unha das máis valoradas da Liga Feminina 2, cumprirá a súa terceira tempada en Pontevedra.

A pivote de 1,88 m e 24 anos renovou o seu compromiso co equipo e continuará como unha das líderes do proxecto pontevedrés. Nestas dúas tempadas na Liga Feminina 2, a competición de prata do baloncesto feminino español (FEB), Forster desenvolveu un xogo moi constante, promediando 12,1 puntos, 9 rebotes, 1 asistencias e 1,5 recuperacións co CB Arxil. Uns números notables que a converteron nunha das mellores reboteadoras de toda a LF2, ademais de ser das máis valoradas.

Forster á afección: “Espero que esteades listas para animar e divertirvos”

A.N.: Tiveche outras ofertas interesantes, que te levou a elexir ao CB Arxil?

Forster: Estou moi emocionada con esta oportunidade porque o CB Arxil non é só un equipo de baloncesto, é unha familia. Pontevedra e o CB Arxil son a miña segunda casa. Cando estou en Pontevedra, estou feliz cont todo o que ofrecen, a comunidade, baloncesto, e a vida (incluída a comida).

A.N.: Que esperas desta tempada?

Forster: Eu espero que este ano sexa mellor ca dos dous antes, no que atinxe ao baloncesto, a COVID, e vida xeral. Este tempada é moi diferente coa adición da Liga 2 prol. Este ano, hai moitas oportunidades para subir e espero que o CB Arxil esté no cumio da LF2.

A.N.: Que lle dirias á aficion arxilista?

Forster: Espero que esteades listas para animar e divertirvos. O meu primeiro ano co CB Arxil foi moi especial porque non só foi baloncesto, fun parte da comunidade de Pontevedra e do club. O ano pasado foi difícil coas restricións de COVID, pero ao fin de tempada devolvan a afección e foi incrible. O club traballa insistentemente en completar unha plantilla máis longa que a tempada pasada e nas renovacións do resto das xogadoras.