As do Concello de Marín e as ferrolás xa teñen a data marcada en vermello no calendario. Tras os diversos comunicados emitidos pola RFEF e a RFGF, o vindeiro 18 de xullo, O Fisgón e o Valdetires disputarán o Playoff de Ascenso á Primeira División do fútbol sala feminino.
O partidos terá como escenario a cidade da Coruña, sede do playoff deste Grupo I da Segunda Nacional feminina. Este encontro enfrontará ao segundo e terceiro clasificado na competición regular. O segundo partido, de superar ao seu rival da primeira eliminatoria, será tamén na Coruña, unha semana máis tarde, contra o primeiro clasificado do grupo, o Viaxes Amarelle FSF. O horario destes encontros está aínda por determinar.
Con estas datas marcadas no calendario case como definitivas (deberían selo se a desescalada segue o seu bo
curso), o club de Marín reactivou e acelerou todos os seus efectivos e maquinaria, tanto no refe rente á preparación técnico táctica como á preparación física e psicolóxica.
Ademais, desde a Dirección e Coordinación do club están a mobilizarse todos o s recursos dispoñibles para competir nas mellores condicións posibles, dadas as peculiares circu nstancias que estamos a vivir. Co paso dos días e as semanas, as xogadoras van avanzando na súa preparación, pasando polas diferentes Fases de Adestramento indicadas pola RFEF, baixo a batuta de Pili Costa e Ander Muñoz.
Desde os diferentes departamentos do club están a realizarse as xestións necesarias para que as xogadoras compitan coa maior das seguridades posibles, coidando a súa saúde e a das súas competidoras, seguindo as recomendacións do CSD, RFEF e RFGF.
Peche da tempada para a escola do Fisgón
Doutra banda, como consecuencia das decisións adoptadas pola RFEF e RFGF de dar por finalizadas as mcompeticións de base, o club comunicou hai uns días a todas as integrantes da súa Escola o cesamento da actividade da mesma en todas as categorías.
Durante este verán, O Fisgón Futsal realizará unha forte aposta na promoción da Escola para a próxima tempada 2020/2021, buscando difundir o fútbol salga o máximo posible na provincia de Pontevedra, no Morrazo e especialmente nos concellos de Marín e Moaña, cos que está especialme nte vinculado e dos que máis se nutre a súa base.
Se a desescalada permíteo, a entidade ten previsto realizar unha despedida para a Escola e diversas accións de captación de xogadoras en todas as categorías.
