O Fisgón FS, que o vindeiro mes loitará por ser equipo da máxima categoría do futsal feminino, foi un dos primeiros equipos galegos en someterse aos test de COVID-19. As probas, tiveron lugar o pasado venres na clínica da Mutualidade da RFGF en Pontevedra, son o primeiro paso para a volta dos conxuntos aos adestramentos.
Ao colectivo marinense que adestra Pili Costa e que disputará no mes de xullo o playoff de ascenso á Primeira División Feminina de fútbol sala, sumouse outro histórico, o Leis Pontevedra. O club pontevedrés xogará a fase de ascenso na Segunda División B de fútbol sala.
Os test, tal e como comunicou a RFGF, realizaranse os días previos ao primeiro adestramento en grupo e ao primeiro partido de cada club. Para iso, a RFGF chegou a un acordo coa Mutualidad de Futbolistas Españois MUPRESFE para que poidesen realizar o correspondentes test nas sedes propias ou concertadas da Mutualidade de forma gratuíta para todos os membros dos equipos con licenza federativa.
Os resultados dos test daranse a coñecer de forma totalmente confidencial ao responsable do Departamento Médico da RFEF e ao responsable designado para estes efectos polo club cando sexa un resultado positivo para que o club poida proceder segundo corresponda normativamente e en organización interna.
A estes uníuselles o SD Compostela, que realizou os test o sábado pola mañá na clínica da Mutualidade da RFGF en Santiago.
O resto de conxuntos galegos que loitarán polo ascenso á Segunda División B (Ourense CF, Arosa SC e CD Barco) someteranse ás probas a partir da próxima semana. O Arosa SC ten previsto realizar os test hoxe no campo Manuel Jiménez, o Ourense CF no campo de Oira e o CD Barco o mércores nun espazo todavía por determinar.
A RFGF segue a traballar co resto dos conxuntos galegos que tomarán parte nestas fases de ascenso exprés para determinar a data na que terán que someterse aos test de COVID-19.
Agradecemento á RFEF
A RFEF chegou a un acordo coa Mutualidade de Futbolistas Españois MUPRESFE para que póidanse realizar o correspondentes test nas sedes propias ou concertadas da Mutualidade de forma gratuíta. Cómpre salientar que serán os servizos médicos da Mutualidade os encargados de realizar as devanditas probas.
