O Fisgón impuxo a súa superioridade ante un Ourense B que a pesar do resultado avultado fixeron un gran papel e plantaron cara as locais no pavillón de O Sequelo. O Envilia B a pesar da xuventude das súas xogadoras, demostrou ser un equipo moi traballado, que sabe en todo momento cal é o seu estilo de xogo. No partido de ida O Fisgón xa tivera serias dificultades para superar ao filial ourensán. O partido comezou coas de Pili Costa adiantándose no marcador e marcado terreo.
Comezou o partido cun temperán gol de María León no minuto 1. O equipo ourensán recuperouse sen complexos deste tanto, poñendo xa o 1-1 no marcador no minuto 2 de partido grazas ao acerto de Nuria nunha xogada a balón parado. As de Rubén Carballo non perderon a cara ao partido e lograron o empate no marcador tras unha xogada a balón parado que fixo dano as de Marín.
A pesar deste mazazo, que cortou sen dúbida a alegría do conxunto local, as de Pili Costa foron capaces de ir aos poucos facéndose co control do encontro e de levar ás ourensás ao seu terreo. Durante a primeira parte houbo alternancia no control do partido, aínda que o Fisgón demostrou ter máis acerto para gol, chegando ao descanso con 3-1 a favor.
Defender as xogadas de pizarra, un punto débil das de Pili Costa, tal e como destacaba a propia adestadora ao final do partido “temos dificultades na defensa a balón parado. É un punto que temos que mellorar.”
Pili Costa, adestadora de O Fisgón: “Temos dificultades na defensa a balón parado. É un punto que temos que mellorar.”
A segunda parte supuxo o afundimento definitivo no marcador do Ourense Envialia. Os goles, de diversa factura, foron coándose progresivamente na portería de Uxía sen que as ourensás puidesen acurtar distancias, a pesar das claras ocasións que tiveron. O tempo do partido, sobre todo na segunda metade estivo maxistralmente dirixido polas botas de Jessy Lores, coa inestimable colaboración en defensa de Pau, que chegaba alí onde as súas compañeiras non alcanzaban defender.
“A pesar da derrota estou moi contento co traballo das xogadoras. A primeira metade fomos capaces de plantarlle cara a un dos mellores equipos da categoría”, mostrábase orgulloso Rubén Carballo do traballo das súas xogadoras no día de hoxe. Un partido que servirá de aprendizaxe para o xoven plantel ourensán.
Rubén Carballo, adestrador do Ourense Envialia B: “No descanso falamos da importancia de seguir coa mesma intensidade e coa boa circulación de balón. A falta do noso acerto cara a gol deixou o partido cun resultado demasiado amplo para o visto na pista”.
Neste partido as máis novas do Fisgón, María Domínguez e Marta, puideron sumar minutos de aprendizaxe á súa experiencia deportiva en Segunda Nacional. Pili Costa aproveitou para facer rotacións e dar oportunidades a xogadoras que viñan tendo menos minutos no que va de tempada. Ainda así, a adestradora galega quixo ter unhas verbas de eloxio cara o seu rival de hoxe: “O ourense B é un gran rival, son xogadoras moi novas pero moi ben adestradas e traballadas”.
Pili Costa, adestadora de O Fisgón: “O ourense B é un gran rival, son xogadoras moi novas pero moi ben adestradas e traballadas”.
Rubén Carballo, adestrador do Ourense Envialia B: “A pesar da derrota estou moi contento co traballo das xogadoras. A primeira metade fomos capaces de plantarlle cara a un dos mellores equipos da categoría”.
“Estamos moi contentas pola vitoria e por recuperar sensacións tras a derrota do finde pasado co Amarelle. Creo que hai moitas cousas positivas que sacar deste partido. Recuperamos a xente que viñan sendo baixa e seguro que o resultado de hoxe vainos a dar motivación e forzas para seguir e para que as xogadoras recuperen sensacións sobre a pista”, destacaba Costa tras o pitido final.
Pili Costa, adestadora de O Fisgón: “Estamos moi contentas pola vitoria e por recuperar sensacións tras a derrota do finde pasado co Amarelle. Creo que hai moitas cousas positivas que sacar deste partido”.
Os tres puntos acadados polas de Marin deixan as galegas a dous puntos do líder Amarelle, que conta cun partido menos. As de Costa suman 32 puntos en Liga e dormirán no posto de prata da táboa para viaxar a Logroño a vindeira xornada para xogar contra o Promesas.
O Ourense B descansa na vindeira xornada e viaxa á casa do Muslera no vindeira xornada de Liga tras o descanso. Será un partido importante para as ourensás ante un rival da súa Liga.
Rubén Carballo, adestrador do Ourense Envialia B: “A nosa materia pendente é materializar as ocasións que estamos a ter e referendar o bo xogo con resultados”.
FICHA TÉCNICA
FISGÓN: Cinco inicial: Antía, Mar, Café, León y Paula . Tamén xogaron: Charo, Jessy, Vera, Lucía Leiros, María Domínguez e Marta. Adestradora: Pili Costa.
OURENSE B: Cinco inicial: Uxía, Nerea, María, N uria y Andrea También jugaron: Alba,
Zaide, Adriana, Uxía, Susama, Aldara y Nerea Pérez. Adestrador: Rubén Carballo.
GOLES:
1-0 min. 1 María León
1-1 min. 2 Nuria
2-1 min. 14 Mar
3-1 min. 17 Mar
4-1 min. 30 Pau
5-1 min. 34 Jessy
6-1 min. 35 Café
COLEXIADOS: Pedro González Soto, Roberto Pérez Giráldez e Irene Núñez Marino.
INCIDENCIAS: Pavillón Municipal O Sequelo (Marín).
