A Federación Galega de Atletismo fixo público o pasamento de Mª Rosario Moyano Ledesma, Charo, xuíza de atletismo Nivel 2 da delegación de Ourense.
Mª Rosario Moyano fora delegada en Ourense do Comité Galego de Xuíces dende o ano 1995 ata o 2006. Foi tamén tamén membro da Xunta Directiva do Comité Galego de Xuíces (CGX) e secretaria da Delegación de Ourense.
Polo que respecta á súa traxectoria deportiva, a xuíza Mª Rosario Moyano “participou entre outras competicións no Campionato do Mundo de Sevilla 1999 e na Copa do Mundo de Marcha da Coruña 2006”, tal e como recorda a Federación Galega de Atletismo (FGA).
Dende o Comité Galego de Xuíces transmitían “o máis sinceiro pésame de todos os xuíces galegos a súa familia e amigos, e desexarlle o mellor nestes duros momentos”.