As Guerreiras Laranxas do Burela están a paso de conseguir a súa cuarta liga da historia despois de impoñerse este mediodía ao STV Roldán FSF (5-1), en semifinais do play-off de Torrejón de Ardoz.
O conxulto do Pescados Rubén Burela FS acariña a proeza de asinar, outra vez, todos os títulos en xogo nunha mesma tempada. Este equipo parece non ter límites. A seguinte fazaña á que aspira é a sumar aos títulos de campioas de Copa, Supercopa e Copa de Galicia, o de campioas de Liga 2020-21. No ano máis complicado para o deporte e a sociedade en xeral, as da mariña están a ser as máis regulares de todo o futsalfem español.
Mañá, domingo 13 de xuño, poderá defender o título que ostenta como actual campión. A cita decisiva fronte ao Futsi Atlético Navalcarnero, primeiro finalista tras vencer a AD Alcorcón FSF (5-2) terá lugar en Torrejón de Ardoz, localidade que está a acoller este play-off polo entorchado. Así, o clásico do futsal feminino estatal arrincará ás 16.00 horas do domingo e poderá seguirse polas canles da RFEF.
O triunfo ante o STV Roldán FSF deu o pase á final ao Burela
Pese ao que poida parecer polos resultados das semifinais disputadas hoxe, sábado 12 de xuño sobre o parqué do Jorge Garbajosa, o equilibrio e a igualidade reinou durante boa parte dos partidos.
No caso do duelo madrileño, entre AD Alcorcón FSF e Futsi Atlético Navalcarnero ambas as dúas escuadras amosaron un nivel moi parello. O conxunto no que milita a galega Vane Sotelo foi o que caeu derrotado.
E no cruce entre STV Roldán FSF e Pescados Rubén Burela pasou o mesmo. Galegas e murcianas desenvolveron sobre o parqué do pavillón de Torrejón de Ardoz o seu mellor fútbol sala na pugna por acceder á final.
Jane avisou con moito perigo nos seus primeiros compases sobre a pista, no minuto 4, pero foi Leti Cortés, antes de chegar ao ecuador do primeiro tempo, quen estreou o luminoso nunha transición iniciada por Bea Mateos e con perfecta asistencia a un toque de Peque (1-0).
Cristina evitou o segundo laranxa no minuto 12 ante Dany e tan só dous minutos despois Marta Pelegrín (1-1) puxo a igualada nunha falta directa desde a banda. A 4 de Juan Alcaraz xa puxera a proba a rede de Jozi, no minuto 9 de partido, con despexe da hispano-brasileira por arriba.
↔️ ¡Peque tira una pared perfecta con Cami antes del descanso del @burelafs 🆚 @RoldanFSF!
📺 Sigue la retransmisión en directo de la los playoffs por el título de la Primera RFEF Futsal Femenina en los diferentes canales de la @rfef.#SomosFutsal ⚽ pic.twitter.com/SNmHY72VdJ
— RFEF Futsal (@SomosFutsal) June 12, 2021
Dispuxo de ocasións o conxunto que prepara o técnico Julio Delgado para recuperar a vantaxe e foi Peque a que selou o 2-1 a falta de 48 segundos para a bucina do descanso, en parede con Cami.
Antes Jane, nun bo recorte, e Ale de Paz, en dobre penalti, non puideran conseguilo.
🔟 ¡Qué difícil es ver a Jane perdonando desde los diez metros! El 3-1 del @burelafs 🆚 @RoldanFSF!
📺 Sigue la retransmisión en directo de la los playoffs por el título de la Primera RFEF Futsal Femenina en los diferentes canales de la @rfef.#SomosFutsal ⚽ pic.twitter.com/wbyt6fmLae
— RFEF Futsal (@SomosFutsal) June 12, 2021
O terceiro resistíuselles ás Guerreiras Laranxas ata o minuto 33, que chegou coa firma de Jane en dobre penalti (3-1). Segundos antes tivera Ángela Gorriz unha de ouro en estratexia.
Con pouco máis de cinco minutos para o final, STV Roldán optou por xogo de cinco, pero non conseguiu xerar perigo. No 37, Peque ampliou ao 4-1 a porta baleira e a falta de 17 segundos Jane tamén selou o seu dobrete, de novo con dobre penalti (5-1).
1. Pescados Rubén Burela vs STV Roldan no play-off de Liga 2020-21 / RFEF
Pescados Rubén Burela vs STV Roldan no play-off de Liga 2020-21 / RFEF
2. AD Alcorcón no play-off polo título / RFEF
AD Alcorcón no play-off polo título / RFEF
3. Futsi At. Navalcarnero no play-off polo título / RFEF
Futsi At. Navalcarnero no play-off polo título / RFEF
4. A futbolista galega, Vane Sotelo, xogando coa AD Alcorcón ante o Futsi At. Navalcarnero no play-off polo título / RFEF
A futbolista galega, Vane Sotelo, xogando coa AD Alcorcón ante o Futsi At. Navalcarnero no play-off polo título / RFEF
5. A galega, Vane Sotelo, celebra un gol coas súas compañeiras da AD Alcorcón ante o Futsi At. Navalcarnero / RFEF
A galega, Vane Sotelo, celebra un gol coas súas compañeiras da AD Alcorcón ante o Futsi At. Navalcarnero / RFEF
6. A futbolista galega, Vane Sotelo, xogando coa AD Alcorcón ante o Futsi At. Navalcarnero no play-off polo título / RFEF
A futbolista galega, Vane Sotelo, xogando coa AD Alcorcón ante o Futsi At. Navalcarnero no play-off polo título / RFEF
7. Pescados Rubén Burela no play-off polo título / RFEF
Pescados Rubén Burela no play-off polo título / RFEF
8. STV Roldán FSF no play-off polo título / RFEF
STV Roldán FSF no play-off polo título / RFEF
9. Pescados Rubén Burela vs STV Roldan no play-off de Liga 2020-21 / RFEF
Pescados Rubén Burela vs STV Roldan no play-off de Liga 2020-21 / RFEF
10. Pescados Rubén Burela vs STV Roldan no play-off de Liga 2020-21 / RFEF
Pescados Rubén Burela vs STV Roldan no play-off de Liga 2020-21 / RFEF
11. Pescados Rubén Burela vs STV Roldan no play-off de Liga 2020-21 / RFEF
Pescados Rubén Burela vs STV Roldan no play-off de Liga 2020-21 / RFEF
FICHA TÉCNICA
PESCADOS RUBÉN BURELA FS: Jozi, Peque, Lara Balseiro, Ale de Paz e Leti Cortés – quinteto inicia -. Tamén xogaron: Cami, Dany, Jane, Luísa Mayara e Bea Mateos.
STV ROLDÁN FSF: Cristina, Andrea Marín, Alba Gandía, Consuelo e Ángela Gorriz – quinteto inicial-. Tamén xogaron: Marta Pelegrín, Riscos, N. Montero, Lola, Mariángeles e Almudena.
GOLES: 1-0, minuto 9, M. Cortés; 1-1, minuto 14, Marta Pelegrín; 2-1, minuto 20, Peque; 3-1, minuto 33, Jane (d. p.); 4-1, minuto 37, Peque; 5-1, minuto 40, Jane.
ÁRBITROS: Colexiados Lydia Guillem, Pablo Delgado, Irene Vargas e Ana Sánchez. Amonestaron polo STV Roldán FSF con cartón amarelo á futbolista Ángela Gorriz (minuto 27) e amosárollen cartón vermello a Marta Pelegrín (minuto 40)
INCIDENCIAS: Segunda semifinal de play-off polo título de liga 2020-21 disputada no Jorge Garbajosa de Torrejón de Ardoz. Xunto ao presidente do Pescados Rubén Burela FS, Manuel Blanco, apoiaron ás Guerreiras dende o palco de autoridades o deputado de Deportes de Lugo, Efrén Castro, e o responsable de fútbol sala da Real Federación Galega de Fútbol (RFGF), Pablo Prieto.
