Hoxe, venres 3 de marzo, só restan 200 días para a Gran Final das Series Mundiais de Triatlón, que por primeira vez acollerá España, sendo Pontevedra a sede escollida para iso. Este evento será un dos maiores eventos deportivo de Galicia no ano 2023, un dos máis importantes sen dúbida para o deporte español e o principipal no caso da disciplina do triatlón.
Hoxe, 3 de marzo, “a praza do Concello de Pontevedra vivirá unha xornada deportiva e musical. A bandeira da Gran Final das Series Mundiais será izada como símbolo internacional da competición que en setembro converterá a España e a Pontevedra nun escaparate internacional da súa gastronomía, o seu patrimonio e o seu modelo de cidade e organización”, explican desde a Federación Española de Triatlón.
O acto consistirá na presentación oficial do evento para a cidade, dirixida por Rodrigo Vázquez (xornalista gañador do Mestre Mateo na categoría de mellor comunicador en lingua galega). Ás 19 horas, Pablo Méndez ofrecerá unha performance preparada para a ocasión, para posteriormente, ás 19.30 horas, proceder ao acto de izado da bandeira coa participación da Xunta, a Deputación de Pontevedra e o Concello de Pontevedra e triatletas como Susana Rodríguez Gacio, actual campioa do mundo de paratriatlón, Natalia Castro Santos, Pablo Dapena ou Mónica Flores Ferreiro.
Despois do acto institucional, virá “o agasallo para todos os pontevedreses e pontevedresas”, o concerto gratuíto das Tanxugueiras na praza do Concello previsto ás 20:00 horas.
“Queremos trasladarlle a todo o mundo a importancia que terá este evento. Significará a promoción do depoñerche a todos os niveis, que terá un retorno económico inmediato e que contará cunha/unha participación de máis de 4.000 deportistas pero que poderían ser un total de 15.000 persoas”, explicou o alcalde de Pontevedra, Miguel Anxo Fernández Lores.
O alcalde da cidade do Lérez tamén recalcou: “non hai diñeiro que poidan pagar esta promoción da cidade. Acoller un evento deste tipo, que será retransmitido a todo o mundo por TVE, que poderán seguir máis de 150 países, máis de catro horas retransmitindo imaxes de Pontevedra… toda a xente que vén, a que está por chegar… Pontevedra estará á altura, non teño dúbida”.
Este gran evento do triatlón será o broche de ouro a un 2023 histórico para o deporte español xa que por primeira vez un mesmo país albergará os tres grandes acontecementos do tríatlon mundial, o Campionato do Mundo Multideporte Eivissa 2023, o Campionato de Europa de Madrid e esta Gran Final das Series Mundiais de Pontevedra, que se celebrarán do 20 ao 24 de Setembro e cuxas inscricións para os Grupos de Idade ábrense o vindeiro martes 7 de marzo.
