O pasado fin de semana —os días 8 e o 9 de febreiro— celebrouse na localidade galega en Castrelo de Miño, na provincia de Ourense, o Campionato de España de Seleccións Autonómicas e o Campionato de España de Longa Distancia de remo. Ambas competición estaban organizadas pola Federación Española de Remo. Máis concretamente a cita tivo lugar no Parque Náutico deste Concello galego.
A representación galega acadou os seus obxectivo, firmando un total de 67 puntos, situándose xusto despois das tres favoritas no mundo do remo. A Federación de Cataluña fixo un total de 155 puntos, seguidos dos 137 dos andaluces e dos 122 do País Vasco. Do quinto ao sétimo posto, pero non menos importante debido a gran cabida que teñen nesta disciplina deportiva, quedaron as seleccións valenciá (50), a cántabra (14), a asturiana (6).
Paola, Malena, Raquel e Nerea subiron ao primeiro chanzo no 4x juvenil de remo
Dentro do Campionato de España de Seleccións Autonómicas, na categoría xuvenil feminino, as galegas Paola García, Malena Barro, Raquel Rodríguez e Nerea Lago acadaron o primeiro posto no cuatro scull (4x) cun tempo de 3:21,62, cunha diferenza de 7 segundos sobre a selección andaluza e un máis da do País Vasco.
Na final de oito con temón (8+) en cadete feminino o equipo galego quedou na cuarta posición por detras de Andalucía —que foi a primeira—, Cataluña e País Vasco cun tempo de 03:37,12 segundos máis que as líderes. O conxunto estaba formado por Martina Soto, Emma Vázquez, Candela Martínez, Alba Fernández, Lara Oliveirar, Estefanía Márquez, Marta González, Emma Vázquez e ao temón, Irene Fraguela.
Varias cuartas e quintas prazas para as remeiras galegas
Sen temón a catro (4-) categorísa absoluta Iria Álvarez e Iraitz Idoeta xunto a Lara Álvarez e Blanca Picallo pasaron pola meta no quinto lugar un pouco máis afastadas das primeiras, a selección catalana. 04:08,64 das galegas fronte aos 3:16,40 das catalás.
Seguindo coa mesma categoría —a absoluta— en catro scull (4x), Malena Barro, Nerea Lago, Carlota González e Cristina Rodríguez cun tempo de 03:26.30 quedaron tamén cuartas. Pero esta vez as gañadoras foron as vascas cun 03:13,24.
En xuvenil, con oito con temón (8+), Cristina Rodríguez, Sandra del Río, Raquel Rodríguez, Antía Piñeiro, Nerea Lago, Clara González, Candela Martínez, Noelia Rodríguez e ao temón Juan Paredes, quedaron en quinto lugar cun tempo de 03:27,68, a 12 segundos por baixo do País Vasco (03:15,08).
Ana Herrero, Marta González, Emma Vázquez e Lara Oliveira, as cadetes de catro sen temón (4-) tamén quedaron cuartas con 04:04,61. As primeiras, nesta ocasión, foi a selección andaluza cun tempo de 03:39,43.
Na final de catro scrull (4x) de cadete, Martina Soto, Candela Martínez, Estefanía Mázquez e Alba Fernández non subiron ao podio pero acadaron o cuarto posto cun tempo de 03:37,03. As campioas foi Andalucía con 03:36,04.
E por último, pero non menos importante, no absoluto feminino de oito con temón (8+), o cal levaba novamente Juan Paredes, Blanca Pillado, Lara Álvarez, Antia Piñeiro, Noelia Rodríguez, Iraitz Idoeta, Carlota González, Iria Álvarez e Malena Barro fixeron a regata en 04:03,53 sendo quintas. As gañadoras foron as vascas cun 03:30,62.
Por parte do marculino, Rodrigo Conde, o internacional e excampión mundial Sub 23 mellorou as súas marcas cunha metal de ouro a bordo de catro scull (4x) xunto a Caetano Horta, Jesús González e Luis Miguel Escourido. Subiron ao chanzo por diante de Valencia e Cataluña.
Os cadetes Álvaro Alvedro, Juan Lara, Gonçalo Barbosa e Pedro Cabrera subiron o terceiro chanzo do catro scull (4x) que so superaron en menos dun segundo por os cataláns.
