Cris Oreiro deixa de adestrar ás cebras o vindeiro curso 2022-23. A entrenadora e o club veñen de facer pública a nova con agradecementos por ambas as dúas partes nese adeus de Oreiro ao Victoria CF.
Cun “Grazas!” arrinca a nota do club coruñés para anunciar a despedida da técnica galega. “Desde o club só podemos ter palabras de agradecemento polo seu compromiso e o seu traballo”, explican.
Nun breve repaso aos logros acadados polos bloques que nas filas do Victorica CF adestrou Cris Oreiro, desde a entidade branquinegra salientan na súa traxectoria o seus: “Dous anos no feminino B conseguindo un subcapionato galego e outros dous no feminino A conseguindo un fito histórico para o club, cun título de liga na Primeira Nacional”.
“A casa branquinegra sempre será a túa casa, desexámosche moito éxito no futuro. Sempre cebra!”, remata o texto.
Feminino A
Grazas, @CrisOreiro
Sempre 🦓!!! pic.twitter.com/tbIHBpJ4v1— Victoria Club Fútbol ⚽🦓 (@VictoriaCF1943) June 7, 2022
Cris Oreiro: “Grazas por non decirme o que quería escoitar”
Pola súa parte a adestradora Cris Oreiro agradece “a xunta directiva do club, con Juan Vázquez á cabeza, e Juan Ferreiro como coordinador da sección, a oportunidade e a confianza! Por supoosto, ás xogadoras, que sodes as grandes protagonistas, polo voso traballo, compromiso e ambición. Sen vós, agora non sería subcampioa da Primeira Galega e Campioa de Liga Nacional”
Feminino A@CrisOreiro despídese como adestradora das 🦓🦓🦓
Moitas grazas, moita sorte!!! pic.twitter.com/zqDnC9kj8r— Victoria Club Fútbol ⚽🦓 (@VictoriaCF1943) June 7, 2022
Cris Oreiro remata a súa nota de despedida cunha mensaxe para “os que me agarrastes da man e non me soltastes, os que cada día estivestes conmigo, ensinástesme a ser mellor, e sobre todo, xamais me dixestes o que quería escoitar, Porty, Adri, Denis, Uru e Samu, grazas de corazón!”
Remata así unha exitosa etapa de Cris Oreiro á fronte das cebras. Queda saber quen o cupará o seu lugar á fronte do banco branquinegro e que banco ocupará ela a vindeira tempada.
