O proxecto Smart Rugby, liderado pola Federación Galega de Rugby, e que ten como socios á Associação de Rugby do Norte (O Porto, Portugal), o ASC Rugby Cluj Junior (Cluj-Napoca, Romanía), o Muralla Rugby Club (Lugo, España) e o RFC Sumi XV (Cortegada, España), chega ao seu fin co remate do ano 2022.
Tras dous anos de investigación e desenvolvemento, o proxecto, levado a cabo por socios de tres diferentes países europeos (España, Portugal e Romanía) culminou coa presentación e publicación da Guía Smart Rugby, onde se recompilan todas as doutrinas adquiridas a nivel transnacional durante estes dous anos.
A presentación oficial da Guía Smart Rugby levou a cabo o pasado 22 de outubro durante a IX Concentración de Escolas de Rugby de Lugo e está dispoñible para a súa descarga en catro idiomas (español, portugués, romanés e inglés) na páxina web do proxecto.
O obxectivo principal deste proxecto foi a elaboración, desenvolvemento e posta en marcha de instrumentos educativos e formativos a través do rugby como deporte de base para o desenvolvemento persoal, social e profesional dos nenos menores de 12 anos, utilizando o rugby como vehículo de transferencia destas competencias, xa que é o ámbito de actuación de todas as institucións implicadas neste proxecto.
A guía Smart Rugby está dispoñible en liña
Aínda que o proxecto chega ao seu fin o 31 de decembro de 2022, terá a súa continuación na guía Smart Rugby U12 que quedará dispoñible para a descarga gratuíta tanto na páxina web como nas redes sociais do proxecto (Facebook e Twitter).
O equipo de Smart Rugby envía o seu “agradecemento a todos os que colaboraron dunha forma ou outra na elaboración da Guía Smart Rugby. Grazas a todos os clubs, pais, nais, adestradores, profesores, voluntarios, escolas, etc. Sen a súa axuda e dedicación o proxecto non sería posible”.
Erasmus+ é un programa da Unión Europea que apoia a educación, a formación, a mocidade e o deporte en Europa. Conta cun orzamento de 14.700 millóns de euros e busca ofrecer a máis de catro millóns de europeos a oportunidade de estudar, formarse e adquirir experiencia no estranxeiro.
A EACEA (Axencia Executiva no Ámbito Educativo, Audiovisual e Cultural) recibiu 1107 solicitudes para a convocatoria 2020 e 315 proxectos foron seleccionados para o seu financiamento.
