- Éxito no Panaeuropeo de fútbol gaélico para a representación galega co campionato acadado polas Fillas de Breogán da Coruña en categoría ‘Intermediate’ e terceiro posto na ‘Senior’ para as futbolistas do Estrela Vermelha de Compostela.
O Panaeuropeo de fútbol gaélico celebrado en Lyon rematou con bos resultados para a representación galega. Dunha banda o as xogadoras do Estrela Vermelha de Compostela, que competían en categoría senior, chegaron ás semifinais y remataron en terceiro lugar. E doutro lado, na categoría ‘Intermediate’ competían as Fillas de Breogán que resultaron campioas logo de vencer na final ao Nantes por 10-8.
Fillas de Breogán, CAMPIOAS do Paneuropeo 2024!!!!! 🔥🔥🔥 pic.twitter.com/UtCN4KsVJU
— A Coruña Fillos de Breogán (@FillosdeBreogan) October 19, 2024
No caso das Fillas de Breogán a alcaldesa da Coruña, Inés Rey, recibiu ao equipo no Pazo de María Pita. Xogadoras e corpo técnico do conxunto de fútbol gaélico coruñés recibirón os parabéns da rexedora por este segundo campionato europeo, que xa acadaran no ano 2019. Fillas de Breogán gañaron o torneo ante Nantes por 10-8.
No camiño á final as Fillas de Breogán vencían ao Brest (17-4). Logo mediríanse co Nantes caendo derrotadas por (10-13) e gañaron ao Clermont (11-4). Deste xeito foron segundas do seu grupo. Na semifinal impuxéronse ao Copenhague (10-8).
Xa no partido decisivo as galegas tiveron de novo como rival ao Nantes. Desta volta as coruñesas foron quen de gañar ás galas (10-8) alzándose co triunfo na categoría ‘Intermediate’.
“Este novo éxito do deporte coruñés amosa o diverso que é o noso tecido deportivo e o esixente que é en todas as competicións nas que participan os seus conxuntos e deportistas”, sinalou a alcaldesa herculina. As integrantes de Fillas de Breogán compartiron con Inés Rey as súas impresións sobre o torneo e de cara á presente tempada, na que esperan competir polo título de campioas de liga.
O palmarés das Fillas de Breogán
Este triunfo supón un novo éxito da entidade, que é todo un referente a nivel galego. Ademais, Fillas de Breogán conta con tres campionatos de liga, tres Copas de Galicia, o trofeo All Galicia e tres Torneos Ibéricos.
“Desde o Concello cremos que grazas á nosa ampla e renovada infraestrutura deportiva contribuímos enormemente nestes éxitos, acompañando a clubs e deportistas na súa preparación e competición”, indicou Inés Rey.
🏐 Inés Rey recibe a Fillas de Breogán tras proclamarse campioas do Paneuropeo de fútbol gaélico
🏆 A alcaldesa destacou a diversidade e a esixencia do deporte coruñés para acadar grandes éxitos coma este
A info: https://t.co/bJ6oFYDdTs pic.twitter.com/JQRtrJSj2V
— Concello da Coruña (@ConcelloCoruna) October 30, 2024
O campionato Paneuropeo tivo como sede A Coruña no ano 2022, celebrándose en diferentes instalacións deportivas de titularidade municipal, como a cidade deportiva Arsenio Iglesias, e contando coa colaboración do Concello da Coruña na organización.
