Filipa Morais é unha xogadora de equipo, desas que todo adestrador quere contar nas súas filas. A lusa do Viajes Interrías é unha futbolista polivalente e disposta a botar unha man onde sexa tal e como ela mesmo dí: “Se o adestrador pedíme que xogue noutra posición, iría porque o meu obxectivo é axudar ao equipo”.
A centrocampista portuguesa recoñece, nunha entrevista para o seu club, que “Portugal está lonxe de alcanzar o nivel de España en termos de fútbol feminino” e recorda o mellor momento da tempada: a victoria contra o Dépor B, no derradeiro minuto do partido.
Pregunta: Con que idade empezaches a xogar ao fútbol e que foi o que che animou?
Resposta: Empecei a xogar ao fútbol aos 15 anos e desde entón non parei. Desde que era nena, xogaba ao fútbol na rúa, o meu pai xogaba tamén e foi el o motivoume a facelo.
P: Que tal a experiencia de ter que ser porteira polas lesións de Beli e Morais?
R: Foi unha boa experiencia, en Portugal xa fora porteira e iso axudoume a adaptarme ben. Aínda que é moita responsabilidade, era necesario. Se o adestrador pedíme que xogue noutra posición, iría porque o meu obxectivo é axudar ao equipo. Quen sabe se non estarei na portería máis tempo (entre risas).
Filipa Morais, xogadora do Viajes Interrías: “En Portugal xa fora porteira e iso axudoume a adaptarme ben. Se o adestrador pedíme que xogue noutra posición, iría porque o meu obxectivo é axudar ao equipo”.
P: Tres diferencias entre o fútbol feminino portugués e o español.
R: En España recibimos máis apoio, o fútbol feminino esta máis e mellor valorado e ten unha evolución moito máis rápida que en Portugal. Portugal está lonxe de alcanzar o nivel de España en termos de fútbol feminino.
Filipa Morais, xogadora do Viajes Interrías: “En España recibimos máis apoio, o fútbol feminino esta máis e mellor valorado e ten unha evolución moito máis rápida que en Portugal”.
P: Con que momento da tempada quedarías ata o de agora?
R: Desta tempada, o momento máis memorable foi o partido contra o Dépor B en Baltar, logramos cambiar o resultado e remontar nos momentos finais do encontro cun gran traballo de todo o equipo.
