A Asociación de Jugadoras de Fútbol Sala Femenino organizou este mércores a I Gala de Premios Jugadora Emprendedora, na que o primeiro premio foi para Marta Figueiredo, xogadora do Ourense Envialia e o terceiro foi para a galega Rosana Carballés, ex xogadora do laureado conxunto galego do Pescados Rubén Burela.
Esta foi a primeira edición destes galardóns, cos cales a entidade pretende apoiar o deporte feminino e o futuro laboral das futbolistas. Tres xogadoras foron as finalistas, con proxectos caracterizados pola innovación, creatividade, organización, iniciativa, entusiasmo, decisión, atrevimiento e valentía.
Lara Terrés, deportista do club Universidad de Alicante, foi a segunda premiada da edición. En total, a AJFSF adicou unha partida de 6.000 euros para dotar economicamente estes premios.
Tras recibir o primeiro premio da gala, a ourensá Marta Figueiredo publicaba unha mensaxe na súa conta na rede social Twitter declarando que “é un orgullo pertencer á mellor Asociación de deportistas que hai en España. Loitando polos nosos dereitos, pero tamén pensando no noso futuro. Moi ilusionada por recibir o primeiro premio desta primeira edición. GRAZAS”.
Gracias por este día tan genial.
Es un orgullo pertenecer a la mejor Asociación de deportistas que hay en España. Luchando por nuestros derechos pero también pensando en nuestro futuro.
Muy ilusionada por recibir el primer premio de esta primera edición.
GRACIAS🤩@AJFSFemenino https://t.co/nu9y6lpppO— Marta Figueiredo (@MartandoElHambr) May 26, 2021
O club de Marta Figueiredo, o Ourense Envialia FS tamén se fixo eco da feliz nova, agradecendo á AJFSF a organización da gala e o seu apoio ás futbolistas. O club felicitou así mesmo á súa capitá, gañadora da máxima cuantía.
I GALA DE PREMIOS JUGADORA EMPRENDEDORA
Gran iniciativa de la @AJFSFemenino por estas iniciativas y no sólo cuidar a las jugadoras sino también y lo más importante, A LAS PERSONAS. Nuestra capa @MartandoElHambr ha conseguido el primer premio. https://t.co/9wxXnazoZz— Ourense Envialia FSF (@OUenvialiaFSF) May 27, 2021
Pola súa banda, Carballés, ex xogadora do Pescados Rubén Burela FS, tamén agradeceu o premio e o apoio da Asociación de Jugadoras de Fútbol Sala Femenino (AJFSF) e do Consejo Superior de Deportes (CSD), que tamén participou na organización do evento.
Ha sido una gala espectacular!!GRACIAS @deportegob por la acogida y el despliegue.GRACIAS @AJFSFemenino por todo lo que hacéis por nosotras y por REGALARNOS un día tan especial.GRACIAS a todas las personas que nos acompañasteis,no podíamos estar mejor rodeads https://t.co/Phuq3dBreW
— Ro (@ro_fisio_7) May 27, 2021
Ritmo al azar de Marta Figueiredo
A futbolista Marta Figueiredo é a creadora do proxecto Ritmo al azar, co cal difunde en redes o seu coñecemento e paixón pola música. A iniciativa comezou como un xogo para as súas estudantes de percusión.
Este xogo consiste nunha serie de tarxetas correspondentes a distintos compases e ritmos, que a deportista percusionista galega Marta Figueiredo explica aplicados a distintos instrumentos musicais. “Unha maneira divertida de practicar a lectura a primeira vista, os ritmos e a técnica. Que ritmo elixirá o azar para min?”, comenta a artista da percusión e do balón.
Ver esta publicación en Instagram
Fogar, de Rosana Carballés
A futbolista Rosana Carballés, que colgou as botas do fútbol sala feminino no ano 2017, é tamén fisioterapeuta e unha das mentes que bulen detrás de Fogar, un centro de día e rehabilitación que está ubicado la localidade madrileña de Alcorcón.
O proxecto de emprendemento polo que foi galardoada a ex deportista galega Rosana Carballés céntrase na atención diurna para persoas maiores de 60 anos ou persoas con algún tipo de diversidade funcional que precisen axuda. Ademais, tamén conta cun plan de rehabilitación para as/os usuarias/os e outras persoas que precisen unha atención personalizada.
