A poucos días de que empece a nova tempada, a Sociedad Gimnástica de Pontevedra pecha as fichaxes de fronte o ano que vén. O equipo feminino suma máis baixas que altas, pero as dúas incorporacións novas veñen suplir puntos débiles do conxunto. María Ezquerro no disco, e Lía Caride nos 400m valos son as novas fichaxes do equipo feminino para a tempada 2023.
Dúas altas con tinguidura galega
María Ezquerro, nova fichaxe da Sociedad Gimnástica de Pontevedra, xa defendeu as súas cores en diversas xornadas de liga como atleta filial. María Ezquerro provén do CA Sada. Xa é unha vella coñecida do club da Cidade do Lérez, xa que axudou ao equipo feminino en competicións colectivas, como as ligas, pola súa condición de filial.
Ten como mellores marcas persoais 44,18m en disco e 12,78m en lanzamento de peso. É a vixente campioa galega en lanzamento de disco e terceira en peso. Ademais, en 2021 quedou Subcampioa de España en categoría sub23 en disco.
Lía Caride provén do Ría Ferrol. Fai 400m valos e ten como mellor marca persoal 1:02.11. Leva catro anos sufrindo unha lesión e volveu a pasada tempada. Así que se espera que este ano continúe a súa progresión favorable.
Sete baixas no equipo feminino da Sociedad Gimnástica de Pontevedra
Entre as baixas destaca a de Xaínza Calvo, velocista que aprendeu nas escolas do club e que debutou esta tempada 2022 co equipo absoluto; e Xiana González, que levaba varios anos no equipo. Ademais dela, tampouco continuarán nas filas da Sociedad Gimnástica de Pontevedra Ana Isabel Fiestras (400mv), Ana Pajarrón (400mv), Iris Vilches (400mv), Irene Barbé (400ml) e Hasna Grioui (400mv).
Esta nova tempada é tamén un novo reto para Santiago Ferrer Moreira, que será o novo director técnico do equipo feminino, tras a renuncia de Santi Ferrer Alonso por cuestións persoais.
Como novo director do combinado feminino da Sociedad Gimnástica de Pontevedra tamén busca como principal obxectivo manterse un ano máis en Primeira División e tentar loitar e achegarse o máximo posible á loita polo ascenso a División de Honra.
