A base alacantina Ángela Mataix seguirá unha tempada máis no BAXI Ferrol e a pivote finlandesa Anniina Aijanen regresa ao BAXI Ferrol como fichaxe para este vindeiro curso. Con elas, o conxunto que adestrará un ano máis Lino López, suma oito efectivos confirmados de cara á tempada 2023-24.
A lista de xogadoras que xa é seguro que formarán parte do cadro ferrolá está composta por: Ángela Mataix, Claudia Soriano, Jessica Fequiere, Marta Gómez e Marianne Kalin, así como as fichaxes de Gala Mestres, Rachel Howard e Anniina Aijanen.
Segundo informan desde o club, o BAXI Ferrol chegou a un acordo coa base alacantina Ángela Mataix para que continúe no club ferrolán a próxima tempada.
Será o debut da xogadora na LF Endesa, despois de militar as dúas últimas campañas na liga Challenge, nos que conseguiu dous ascensos á máxima categoría.
Ángela Mataix continuará en el BAXI Ferrol 2023-24.
“Dar el máximo cada día y siempre lo que necesita el equipo”. Como para no estar encantados de seguir contando con la progresión imparable de @angela_mataix.
+info: https://t.co/Z89TAzk5hW#ContamosContigo pic.twitter.com/wbGBtpxVKr
— Baxi Ferrol (@UniFerrol) May 30, 2023
Ángela Mataix é unha xogadora que pode alternar a posición de base coa de escolta e que tivo unha gran progresión a pasada tempada, contribuíndo ao éxito do equipo.
O técnico, Lino López, comenta sobre a renovación da xogadora polo cadro ferrolán que “é unha gran sorte poder seguir contando con Ángela para a próxima tempada e que siga apostando por continuar crecendo no noso club. Sen dúbida, foi unha das mellores bases da liga e das xogadoras de maior progresión. É unha gran profesional, con gran explosividad no 1×1, boa dirección e tiro tras bote e, o máis importante, é que cada día dá o máximo e sempre o que necesite o equipo”.
Regreso da pivote finlandesa Anniina Aijanen
O club da cidade departamental fixo público tamén que a xogadora finlandesa Anniina Aijanen regresa ás filas do BAXI Ferrol , co que se comprometeu para a próxima tempada 2023-24. A xogadora xa ten experiencia na LF Endesa, xa que militou unha campaña no CADI La Seu e a pasada tempada nas filas do Embutidos Pajariel Bembibre, conxunto co que participou en 28 encontros.
Anniina Aijanen coñece ben o cadro ferrolán e ao seu adestrador, xa que estivo dous anos ás súas ordes conseguindo o ascenso á LF Endesa.
Anniina Aijanen regresa al BAXI Ferrol.
Tras una temporada muy sólida en Bembibre, la finlandesa vuelve a A Malata para aportar inteligencia táctica, defensa, lectura y tiro y para sumar siempre para el equipo.
Encantados de tenerte de vuelta @AijanenAnniina. #ContamosContigo pic.twitter.com/exbe138SjX
— Baxi Ferrol (@UniFerrol) May 23, 2023
O adestrador do equipo ferrolán, Lino López , destaca sobre a deportista que “Anniina é unha xogadora que xa coñecemos de fai tres tempadas en LF2, onde tivo a maior eficiencia ofensiva do equipo. A tempada pasada en LF Endesa axudou a Bembibre a conseguir a permanencia”.
O técnico tamén engade que “é unha interior intelixente tácticamente, que sempre suma para o equipo, boa defensora, con boas lecturas, boa pasadora e que co seu bo tiro de 2 e de 3 abre moito o campo”.
Desta forma, coa renovación de Ángela Mataix o equipo xa dispón de oito xogadoras tras anunciar a continuidade de Claudia Soriano, Jessica Fequiere, Marta Gómez e Marianne Kalin, así como as incorporacións de deportistas como Gala Mestres, Rachel Howard e Anniina Aijanen.
Convocatoria Claudia Soriano
O seleccionador nacional U20, Rubén Burgos, convocou á xogadora do BAXI Ferrol Claudia Soriano a unha concentración que se está a levar a cabo desde o 1 ao 4 de xuño na localidade de Azuqueca de Henares. Son dezaseis as xogadoras convocadas para preparar o Europeo, que se celebrará do 29 de xullo ao 6 de agosto e no que a selección española está encadrada nun grupo con Polonia, Suecia e Montenegro.
Campaña de abonados do BAXI Ferrol
Por outra banda, segundo informa o club ferrolá, mantense abera a campaña de abonados para poder renovar ou darse de alta como socia/o do club de cara á vindeira tempada. Polo momento xa teñen renovado o seu abono 497 persoas e producíronse 48 altas.
Explican desde o BAXI Ferrol que todas as persoas interesadas en facerse socias poden acudir á Taberna Arauxa, no Cantón de Molins 6, de martes a domingo de 12.00 a 15.00 e de 18.00 a 22.00 horas. Tamén está a posibilidade de facer as xestións a través do enderezo electrónico abonadosuniferrol@gmail.com.
