A Federación Galega de Ciclismo (FGC), co fin de minimizar os riscos de contaxio na volta da actividade ciclista, fai público o seu Protocolo de Actuación fronte á COVID-19 para a práctica de competición nas especialidades de Ciclismo en estrada, BTT, Ciclocrós, Ciclismo para todos e Escolas.
Este documento foi aprobado o pasado xoves de 8 xullo pola Comisión Delegada despois de que a Secretaría Xeral para o Deporte da Xunta de Galicia certificara que se adecúa ao establecido no Protocolo Fisicovid-DxTgalego. 
A FGC achega o Protocolo a seguir, o Certificado da Secretaría Xeral para o Deporte, a Táboa na que se enumeran as situacións de posible contaxio durante as competicións e as correspondentes medidas de tratamento.
Unha Táboa similar para os adestramentos das escolas de Estrada e BTT, a Declaración de Risco, os Formularios para os directores deportivos os ciclistas maiores de idade e os titores dos deportistas menores de idade e a Ficha de Información que os Organizadores das Competicións deberán remitir á FGC cunha antelación de 72 horas á celebración do evento.
Podes consultar todos estes documentos a través desta ligazón.
