Dende hai uns días está operativa, a través da páxina web da Federación Galega de Balonmán (FGBM), a plataforma de formación para o colectivo arbitral galego de balonmán.
Esta plataforma ten o obxectivo de axudar aos árbitros desta disciplina a continuar a súa formación, refrescar os coñecementos e seguir mellorando día a día. O acceso será a través do miSquad privado de cada integrante do colectivo arbitral, onde poderán ir enchendo os cuestionarios e revisar o regulamento.
Este instrumento que acaba de nacer irá medrando día a día para converterse nun instrumento de traballo fundamental para o colectivo arbitral.
