A Federación Galega de Atletismo (FGA) facilita aos clubs de atletismo, núcleos de adestramento ou municipios galegos interesados en aumentar a súa dotación de infraestruturas deportivas un anteproxecto de Módulo Exterior de Atletismo así como un estudo de custos.
Segundo explica a Federación Galega, exponse baixo as premisas de análise e control de custos de execución e do cumprimento da normativa vixente para a realización de probas oficiais desta modalidade.
O documento da Federación de Atletismo inclúe unha estimación de custos
O citado anteproxecto, inclúe unha valoración estimada dos custos de execución, aínda que, será no proxecto definitivo cando se estuden os custos finais, tendo en conta aspectos como a topografía e xeoloxía do terreo, servizos existentes, auga, luz, saneamento e outros.
Este anteproxecto foi redactado por Roberto Pérez Manuel, Arquitecto Técnico e Enxeñeiro de Edificación, colexiado na Coruña con nº 1406, con máis de 25 anos de experiencia profesional e amplos coñecementos no ámbito desta disciplina deportiva.
Todos os estamentos os interesados en acceder a este anteproxecro, poderán dirixirse aos correos de Administración ou Secretaria Xeral da Federación Galega (FGA), para solicitar o citado documento.
