Empate a dous nun partido con moitas ocasións entre a Fervenza e o Ribamontán. As de Chipi saíron á pista da Malata co quinteto inicial formado por Clara, Cris, Clau, Ra e María. Foi o conxunto visitante o que poñía o primeiro no luminoso moi cedo, obra de Sofía cando corría o primeiro minuto de partido.
Tocáballe remar as rosas e preto do minuto 5, Elvi tivo unha doble ocasión cun disparo exterior tras un saque de esquina. Gran resposta da porteira cántabra. Tras varias ocasións das galegas, Chipi movía o banco e daba entrada a Nata, Sabela.
O xogo estaba a suceder polo zona central da pista, con varias imprecisións e moita acumulación de xente, que facía moi difícil unha circulación eficaz de balón. Nunha destas, chegaría unha boa ocasión para o Ribamontán que estrelaba o coiro contra o pau.
A resposta a tivo Sabela na súas botas, cando quedouse díante da gardamallas cántabra tras un roubo na primeira liña. De novo, gran intervención da cancerbeira visitante que deixaba ao seu equipo por diante no luminoso, ata o momento.
Sabela foi das xogadoras máis activas e volveu a ter unha boa ocasión para poñer o empate tras un gran disparo exterior ao centro da portería e ao pouco chegaría outra ocasión para as rosas tras un rexeite. As de Chipi apretaron nos minutos finais da primeira metade e tanto foi o cántaro á fonte, que Sabela a falta dun minuto para o tempo de lecer, facía o empate a un tras un remate ao segundo pau despois de un tiro de Nata.
A ledicia nas galegas durou pouco xa que a falta de 10 segundos para o descanso, o Ribamontán volvía a o poñerse por diante. O gol viu tras un tiro exterior desde 15 metros que rexeitou Cris e colouse na porta defendida por Clara. Mala sorte para as nosas ferrolás que tiñan que volver a repoñerse dun marcador adverso.
A segunda metade comezou con moitas imprecisións por parte de ambos equipos e cun cambio na portería das rosas. Entraba Lucía por Clara. As boas novas para as galegas chegaban no minuto 5 da segunda metade cando María empataba o partido. Perfecta picada cando quedábase diante da porteira tras ganarlle ás costas da súa marca.
Co empate no marcador, chegaba un intercambio de golpes. Primeiro coa gran ocasión para Clau, que se quedaba soa diante da cancerbeira cántabra e disparou por baixo. De novo, gran resposta da porteira do Ribamontán que completou un gran partido e foi clave para que o seu equipo sacase un punto da Malata.
A réplica chegaba cunha ocasión do Ribamontán que resolveu ben Lucía baixo paus. A falta de 2 minutos, Chipi apostou por porteira xogadora para intentar sumar de tres. Así chegaba unha boa ocasión para Elvi cun tiro que foise bicando o pau. Con varias ocasión para as galegas chegábase ao pitido final con 2-2 no marcador e reparto de puntos. A Fervenza mantense na 6ª posición con 18 puntos.
Así nos resumía @jcchipi el empate de hoy frente a @fsfribamontancf .@asnosasdeportes @diarioferrol @rfef @futgal @UniversoMujer18 @Mudega_ pic.twitter.com/b1GN46d2oI
— Comarcal A Fervenza (@afervenzafsf) January 26, 2020
También @Sabelaroca8 nos desgranaba el partido de esta mañana frente a @fsfribamontancf .@asnosasdeportes @diarioferrol @Mudega_ @UniversoMujer18 @femegol @rfef @futgal pic.twitter.com/xzJmG6FRgA
— Comarcal A Fervenza (@afervenzafsf) January 26, 2020
Antía Díaz e Laura Painceiras, convocadas por Bea Seijas
As boas novas chegaban cando esta semana, a seleccionadora galega de categoría alevín, Bea Seijas, convocou para un adestramento en Miño, as xogadora da Fervenza, Antía Díaz e a porteira Laura Painceiras. O bo traballo de canteira das rosas está a ter os seus frutos.
