O BAXI Ferrol está clasificado matemáticamente para a fase de ascenso. Unha tempada impecable con 21 de 21 vitorias a falta de cinco partidos por disputar as sitúa como líderes do Grupo A. Tamén aspiraba a albergar a fase de ascenso e traballaba niso. Pero, finalmente, a oferta hoteleira da Cidade Departamental non cumple os requisitos solicitados pola organización para cumplir co protocolo COVID-19. Necesitábase un único hotel no que hospedar de xeito conxunto ás expedicións dos 12 equipos participantes na cita..
A directiva do club ferrolán leva máis dun mes traballando para solicitar ser o escenario para a celebración da fase de ascenso de Liga Feminina 2 a Liga Endesa. A súa proposta foi apoiada pola Xunta de Galicia, a Diputación de A Coruña e o Concello de Ferrol.
Porén, as bases da Federación Española de Baloncesto (FEB) impiden que Ferrol sexa a anfitrioa. As normas establecidas por mor da COVID-19 obrigan a que na cidade exista un hotel para aloxar en exclusiva aos 12 equipos participantes, árbitros e federativos, pero a cidade departamental non ten este tipo de instalacións.
Unha vez coñecido o requisito, o BAXI Ferrol consultou coa FEB a posibilidade de presentar unha candidatura con dous hoteis para albergar a todas as persoas, pero tendo en conta que existe outra sede que cumple co requisito dun só hotel, a Federación mostrou a súa preferencia por esta outra cidade.
Por este motivo, o club ferrolán tomou a decisión de non propoñer a súa candidatura. De todas formas, agradece o apoio recibido polas institucións galegas e expresa a súa lamentación de cara á afección que non poderá desfrutar da fase de ascenso na cidade.
As melloras que iniciara o BAXI Ferrol
Coa intención de ter un torneo seguro, cando no BAXI Ferrol aínda contaban con poder ser sede, o equipo iniciou unha serie de melloras.
Entre elas inclúese o feito de facer un test diario a todos os participantes do evento, a colocación de leds publicitarios no pavillón de A Malata e precios módicos dos hoteis para axudar económicamente aos clubs participantes no actual panorama económico debido á pandemia.
Con todo, os esforzos quedan en saco roto, xa que ao non contar Ferrol cun hotel de máis de 115 habitacións, o proxecto non poderá seguir adiante.
Desde o club aseguran que traballan xa para “representar á cidade da mellor maneira posible na sede que designe a Federación Española e intentar conseguir o ascenso á máxima categoría do baloncesto feminino español”.
