O presidente do Goberno galego, Alberto Núñez Feijóo, felicitou aos dezaseis deportistas galegos paralímpicos polos éxitos acadados, exemplos de traballo, esforzo e superación, tras a súa participación nos Xogos Paralímpicos de Tokyo 2020. Aí estiveron as deportistas paralímpicas galegas Adi Iglesias, Susana Rodríguez Gacio, Desirée Vila e Vicky Alonso, á súa volta de Tokyo 2020.
Durante a recepción, Núñez Feijóo garantiu o compromiso da Xunta de Galicia non só coa visibilización da discapacidade, senón de cara á acadar unha verdadeira inclusión.
Feijóo lembra que se porá en marcha unha Oficina de Atención ao Deportista
Con este obxectivo recordou que a Administración autonómica galega ten duplicado o orzamento destinado á discapacidade ata chegar aos 126 millóns de euros neste ano; “contamos cun dos sistemas educativos máis igualitarios de España, sendo unha das comunidades con máis alumnos con necesidades especiais integrados en aulas ordinarias, e lanzaremos tamén varias actuacións de transición ao emprego”, dixo, referíndose á posta en marcha da nova Oficina de Atención ao Deportista, que estará en pleno funcionamento para a tempada que vén.
As e os deportistas galegos que tomaron parte nos Xogos Paralímpicos de Tokyo 2020 foron:
- Adiaratou Iglesias Forneiro – Atletismo Ouro 100m T13 / Prata 400M T13
- Susana Rodríguez Gacio – Tríatlon Ouro + Atletismo 1500m T11 Diploma
- Desirée Vila Bargiela – Atletismo Salto de lonxitude T63 Diploma
- Vicky Alonso Vilariño – Baloncesto en cadeira de rodas Diploma
- Gustavo Nieves Campello – Atletismo Maraton Diploma
- Agustín Alejos Alonso – Baloncesto en cadeira de rodas Diploma
- Manuel Lorenzo Díaz – Baloncesto en cadeira de rodas Diploma
- David Mouriz – Baloncesto en cadeira de rodas Diploma
- Jacobo Garrido Brun – Natación – 3 Diplomas
- Chano Rodríguez Veloso – Natación – 3 Diplomas
- Adrián Mosquera Rial – Piragüismo
- Alex Vidal Álvarez – Taekwondo
- Martín de la Puente Riobo – Tenis en cadeira de rodas – Diploma
- Juan Antonio Saavedra Reinaldo – Tiro olímpico – Bronce 10M Rifle Pronhe SH1 / Diploma 50m Rifle Prone SH1
- Celso Comesaña Pereira (deportista de apoio) – Atletismo 1.500m T11 Diploma
- Gustavo Rodríguez Iglesias (deportista de apoio) – Tríatlon PTVI Prata
Tres medallas e tres diplomas, os éxitos das nosas catro paralímpicas
