Durante a pasada fin de semana, a Federación Galega de Natación (FEGAN) organizou xornadas de tecnificación para deportistas de natación artística e waterpolo.
Na primeira delas, as nadadoras de categoría infantil adestraron ás ordes de Sandra Montes durante o sábado, tanto pola mañá como pola tarde. O domingo, a piscina do CGTD de Pontevedra recibiu ás deportistas de categoría alevín.
Pola súa banda, o waterpolo galego segue avanzando cara a normalidade. Esta fin de semana supuxo a estrea das xornadas de tecnificación despois dun ano sen actividade. Iria Álvarez e Andrés Pérez foron os encargados de adestrar á selección feminina e á masculina, antes dunha lista de actividades para retomar o ritmo normal deste deporte.
