A Federación Galega de Loita e D.A. presentou na Casa do Deporte de Vigo, a campaña #deportefederado #deporteseguro. No acto fíxose entrega dos puntos hixiénicos e os bonecos de adestramento, dummies, os clubs galegos. Arrinca así a campaña de promoción e difusión da volta o deporte federado desta entidade.
Esta iniciativa promovida pola Federación Galega de Loita e D.A. enmárcase dentro da proposta de encher de novo os clubs de deportistas, amosando dúas iniciativas paralelas:
- Presentar os puntos hixiénicos, personalizados cos mellores deportistas das diferentes entidades, onde se recollen as medidas de seguridade establecidas no protocolo Fisicovid dxt-galego, aprobado pola Secretaría Xeral para o Deporte, no que se inclúe un dispensador de hidroalcol e mascarillas personalizadas.
- Os bonecos, dummies, para as actividades de loita sen contacto, tratando de achegar bonecos de adestramentos os clubs para cada nena/o, poda adestrar.
Estas medidas facilitarán o traballo de 40 entidades e concellos, nos que se desenrolan as actividades que dependen de esta Federación e que no ano 2019, tivo preto de 2.000 beneficiarios directos.
Acollerse ao protocolo FISICOVID – DxT Galego outorga a distinción de Club Saudable e Seguro
Os clubs que se acollen o protocolo Fisicovid Dxt-Galego, terán a distinción de Club Saudable e seguro. Estarán supervisados e asesorados pola Federación Galega de Loita e D.A.
Empregar os dummies, foi a maior inversión da Federación Galega dos últimos anos para incluílos nos adestramentos como paso previo a competición sen contacto: wrestling dummie. Unha iniciativa que está tendo gran repercusión a nivel nacional, sendo a Federación Galega a punta de lanza desta campaña mediática e deportiva para xerar confianza no deporte, grazas a implicación da multinacional SUPLES LTD.
Explican desde a FEGALOITA que manteñen “como primeiro obxectivo encher os clubs de deportistas atendendo as medidas de seguridade establecidas. E propoñer unha actividade alternativa cos bonecos dummies de adestramento”.
En definitiva, desde a Federación galega buscan adaptarse as circunstancias derivadas da COVID-19 “reinventar o deporte e adaptalo as novas circunstancias sociais”, exponen.
FEGALOITA: “Temos como primeiro obxectivo encher os clubs de deportistas atendendo as medidas de seguridade establecidas. E propoñer unha actividade alternativa cos bonecos dummies de adestramento. Trátase de reinventar o deporte e adaptalo as novas circunstancias sociais”
Así se adestra con dummies
Aínda que os dummies empregados, e o protocolo de prevención do contaxio do coronavirus modificaría o proceso de adestramento, neste vídeo pódese ver as posibilidades de adestramentos que bonecos deste tipo permiten en deportes de contacto.
