- O plan de auditorías 2021-2024 segue o seu curso e desta volta á a quenda de actividades subacuáticas, aeronáutica, atletismo, automobilismo, bádminton, baloncesto, balonmán, ciclismo, esquí náutico, fútbol, judo, loita, montañismo, natación, piragüismo, remo, taekwondo, tenis, tríatlon e vela.
O Diario Oficial de Galicia publicaba a finais de decembro unha resolución da Secretaría Xeral para o Deporte, pola que se determinan as federacións deportivas que teñen que presentar informe de auditoría das contas anuais de 2020.
Deste xeito, o plan de auditorías 2021-2024 segue o seu curso habitual e neste ano 2021 será a quenda de vinte federacións deportivas galegas. En concreto as seguintes:
- Actividades subacuáticas
- Aeronáutica
- Atletismo
- Automobilismo
- Bádminton
- Baloncesto
- Balonmán
- Ciclismo
- Esquí náutico
- Fútbol
- Judo
- Loita
- Montañismo
- Natación
- Piragüismo
- Remo
- Taekwondo
- Tenis
- Tríatlon
- Vela.
O prazo de presentación das contas anuais auditadas ten como data límite o 30 de xullo de 2021, segundo informa a Secretaría Xeral para o Deporte.
Deste xeito, a Xunta de Galicia cumpre coa súa competencia de realizar auditorías externas ás federacións deportivas galegas.
Segundo a Lei do Deporte e o Regulamento do Rexistro de Entidades Deportivas de Galicia, estas deberán presentar no Rexistro “un informe de auditoría das súas contas anuais aquelas federacións deportivas galegas que resulten obrigadas conforme o plan de auditorías aprobado pola Administración deportiva autonómica a inicio de cada exercicio.
Anualmente, incorporarase ao plan unha porcentaxe de federacións, de forma que, cada catro anos, todas presenten o dito informe”.
Que debe conter a memoria das contas anuais?
A memoria das das contas anuais das federacións deberá conter información relativa á actividade da entidade, ás bases de presentación e a información da liquidación do orzamento, ao excedente do exercicio, aos ingresos e gastos, á aplicación de elementos patrimoniais a fins propios, aos cambios no órgano de goberno, dirección e representación, á información sobre autorizacións outorgadas pola autoridade administrativa correspondente que sexan necesarias para determinadas actuacións, así como a calquera outra información que sexa significativa.
