A Federación Galega de Halterofilia anuncia, a través do comunicado feito polo secretario xeral, Juan Lama, da federación española deste deporte, que se pospoñen temporalmente as súas actividades ante o coronavirus, COVID-19. Moitas desas citas xa teñen novas datas, destacando, neste capítulo, as dúas competicións que se realizan en Galicia, en concreto nas cidades da Coruña e de Vigo.
Así, a Federación informa de que:
- A Xornada Nacional en Idade Escolar posponse para o 30 de mayo. A cita seguirá celebrándose en Madrid.
- O Campionato de España Máster pásase ao 25 de xullo. Como o anterior, é en Madrid.
- O Campionato de España Sub 15 celebrarase na mesma data co Sub 17, nos días 6 e 7 de xuño en Vigo.
- O Campionato de España Júnior posponse ata o 17 de octubre. O certame seguirase celebrando na Coruña.
- A Xunta Directiva e a Comisión Delegada realizarase unha semana máis tarde: ao 20 e 21 de xuño.
- A Asambla Xeral suspéndese ata o 27 de xuño.
A Federación Española de Halterofilia non dixo nada sobre o calendario electoral. Están revisando as datas para cumplir coa normativa pero o máis probable é que axusten algúns días. Saben que o cambio de maior impacto é a unión do Campionato de España de Sub 15 e Sub 17. Polo que presentaron unha serie de comentarios:
- Os deportistas poderán ser inscritos nun dos campionatos ou en ambos. Por exemplo, unha rapaza ou rapaz que faga a mínina para o Campionato Sub 15 e para o Sub 17 pode ser inscrito en ambos e optar ao metal nos dous.
- Unha deportista ou un deportista de 16 anos só poderá ser inscrito no Sub 17.
- Unha rapaza ou un rapaz de 14 anos que non teña marca mínina para o Sub 17 só poderá ser inscrito en Sub 15.
Aínda que unha deportista ou un deportista compita na categoría Sub 15 e Sub 17, a dinámica da competición será a mesma de sempre: tres arrincadas e tres en dous tempos, sendo a puntuación que faga válida para ambas clasificacións.
Con respecto as inscripcións do Campionato Júnior e o Campionato de España en Idade Escolar, ambas volverán no mes de abril cando chegue o momento, según as bases reglamentarias da competición.
O Campionato Europeo Absoluto tamén se pospón
A Federación Española de Halterofilia comunicou que o Campionato Europeo Absoluto móvese de data. Anteriormente, tamén polo coronavirus, desde As Nosas informábamos da suspensión do Campionato do Mundo Júnior no que ía a competir a galega Irene Blanco.
Dita competición estaba prevista para realizarse do 2 ao 12 de abril. A Federación Europea deste deporte moveuna ao próximo mes de xuño. As datas serán do 10 ao 21. No comunicado non fan referencia a como afecta o desprazamento do período de clasificación olímpica nin as posibles solucións. Este evento estaba catalogado de Nivel Ouro e era o que máis puntuación daba de cara a clasificación para Tokio 2020.
Ademais do Europeo, tamén cambiaron de data o Campionato de África e o de Asia. Quedan soamente activo, o Panamericano e o de Oceanía.
