Tras a reunión extraordinaria desta mañá da Comisión Delegada da Federación Galega de Ciclismo (FGC) a través de medios telemáticos para analizar a situación actual do ciclismo galego e estatal ante a evolución do COVID19, a FGC fai a proposta dos calendarios coas peticións recibidas por parte dos clubes organizadores.
As actividades de escolas do programa Xogade (categorías de base e cadetes) están todas suspendidas. Desde a Federación, rogan que na medida do posible, os organizadores doutros eventos afectados polas cancelacións informen dos seus aprazamentos ou suspensións definitivas nesta temporada.
En todo caso, os calendarios quedarán suxeitos a aprobación definitiva da Comisión Delegada da FGC, unha vez que as autoridades permitan retomar a actividade deportiva.
